"Liverpul" Firmino bilan shartnomani uzaytirmoqchi

"Liverpul" hujumchi Roberto Firminoga "Enfild"da qolish muddatini uzaytirish uchun yangi kelishuv taklif qildi, chunki uning amaldagi shartnomasi kelasi yozda tugaydi. Bu haqda "Football Insider" xabar bermoqda.

"Qizillar" braziliyalik futbolchiga eskisidan kamroq bo'lgan summa – haftasiga 180 ming funt sterling atrofidagi maoshni taklif qilmoqda. Biroq futbolchining shaxsiy ko'rsatkichlari bilan bog'liq bonuslar unga ish haqini oshirishda yordam beradi.

31 yoshli Firmino joriy mavsum "Liverpul" safida 21 ta o'yinda maydonga tushib, 9 ta gol urdi va 4 ta golli uzatmani amalga oshirdi.