"Liverpul" Enco Fernandes uchun 100 million evro taklif qildi

"Liverpul" "Benfika"dan Enco Fernandesni sotib olmoqchi.

Portugaliyalik jurnalist Pedru Almeyda xabariga ko'ra, ingliz klubi 21 yoshli markaziy yarim himoyachi uchun taxminan 100 million evro taklif qilgan, biroq "Benfika" rad javobini bergan.

Lissabon klubi "Liverpul"ga Fernandesni shartnomasida ko'rsatilgan tovon pulini to'lagan taqdirdagina qo'yib yuborishini aytdi.

Avvalroq Enconing tovon puli 120 million evroni tashkil qilgani xabar qilingandi. "Manchester Yunayted" va "Liverpul" klublari shuncha pulni to'lashga tayyorligi haqida malumotlar chiqqandi.

Eslatib o'tamiz, Fernandes JCH-2022da eng yaxshi yosh futbolchi sifatida tan olingan edi.