Liu CHun Fai: “O'zbekiston bizdan kuchli emasdi”

“Bugun zo'r natijaga erishdik, ruhiy tomondan raqibdan kuchli edik. Hamma o'yinchilar ko'rsatmalarimga amal qildi. Ular bilan faxrlanaman. O'ylaymanki vatandoshlarimiz bizdan xursandlar. Biz haqiqiy gonkongliklarning matonatini ko'rsatdik va ular uchun jonimizni berib o'ynadik”, - deb gap boshladi Liu CHun Fai.

- O'zbekistan o'z darajasidan past o'ynadimi yoki Gonkong o'z darajasidan yuqori?
- O'zbekiston bizdan zo'r emas. Ular bizni himoyamizni yorib o'tishlari qiyin bo'ldi. Kuchli jamoa yorib o'tishi kerak. Ular uchun afsusdaman avval ham yuta olishmagan edi.

- Tanaffusda shogirdlaringizga nima dedingiz?
- SHunchaki gol o'tkazmasligimiz kerakligini aytdim. Asosiy etiborni himoyaga qaratdik va bu samarasini berdi. Bugun mentalitetimiz evaziga ochko oldik. O'zbekistonning hujumlarini bartaraf qilishimiz sababi ruhiy kuchliligimizda edi.

- Osiyo o'yinlarida maqsadingiz qanday?
- Imkon qadar uzoqroqqa borishga harakat qilamiz.

- Gongkong hujum qilishni ham biladigan jamoa. Buni bitta vaziyat bilan isbotladi. Nima uchun yutish uchun hujum qilmadingiz?  
- O'zbekiston bizdan ancha yuqorida. Ularga qarshi ochiq o'yin qilib bo'lmas edi.

- Bangladesh – Afg'oniston (1:0) uchrashuvi haqida fikringiz.
- Afg'oniston kuchli edi. Endi biz ular bilan o'ynaymiz. G'alaba qozonishga harakat qilamiz. Mazkur o'yin bizni jadvaldagi holatimizga oydinlik kiritadi.


Nodirxo'ja Yuldashev 
Incheon shahridan