Куни кеча Фарғонанинг "Нефтчи" клуби ўз тарихида 6-маротаба Ўзбекистон чемпионлигини қўлга киритди.
Жамоа бош мураббийи Виталий Левченко учун бу натижа ушбу мамлакатдаги илк соврин эди. Шу тариқа, тожикистонлик 53 ёшли мутахассис Ўзбекистон чемпионлигини қўлга киритган 21-мураббийга айланди.
Энг яхши натижа Юрий Саркисянга тегишли бўлиб, у айнан "Нефтчи" бош мураббийи сифатида 5 маротаба бош совринга эга чиққан.
Шунингдек, Миржалол Қосимов ва Равшан Ҳайдаров 3 мартадан мавсумни пешқадам сифатида якунлаган.
