Levandovski "Espanol"ga qarshi o'ynay oladi. Madrid sudi 3 o'yinlik diskvalifikaciyani keyinga qoldirdi

Levandovski La Liga doirasida “Osasuna”ga qarshi bahsda maydondan chetlatilgandi va zsha o'yindagi xatti-harakatlari uchun 3 ta o'yinga diskvalifikaciya qilingandi.

Kataloniya klubi Madrid markaziy sudiga murojaat qildi va u ushbu bahs bo'yicha yakuniy qaror qabul qilinmaguncha diskvalifikaciya muddati boshlanishini keyinroqqa qoldirdi.

Agar sud "Barselona" foydasiga qaror qabul qilmasa, polshalik forvard diskvalifikasiya muddatini o'tashga majbur bo'ladi. Yakuniy qarorga qadar Levandovski maydonga tushishi mumkin.

Eslatib o'tamiz, 34 yoshli hujumchi La Liganing 14 o'yinida 13 ta gol urgan.