"Lester" Kristiansen bilan shartnoma tuzish arafasida

Ingliz klubi futbolchini 18 mln funtga xarid qilish bo'yicha muzokaralarni olib bormoqda. Daniya klubi ikki tomon o'rtasida muzokaralar bo'lib o'tayotganini tasdiqladi, biroq ular hali rozilik bildirganliklarini malum qilgani yo'q.

"Tulkilar" bosh murabbiyi Brendan Rojers 20 yoshli chap qanot himoyachisini shu oyda "King Pauer" o'yingohiga olib kelmoqchi bo'lgan uch futbolchidan biri sifatida nishonga olgan. Agar bu kelishuv muvaffaqiyatli amalga oshsa, Daniya klubi tarixidagi va mamlakat Superligasi tarixidagi eng yirik bitim bo'ladi. 

"Lester" himoyachisi Jeyms Jastin noyabr oyida uzoq muddatga safdan chiqqanidan keyin chap qanot himoyasini to'ldirish uchun Rojers kimnidir jamoaga keltirishga ehtiyoj sezmoqda. Klub 12 mln funt miqdorida boshlagg'ich to'lovni o'tkazib berishi mumkin. Ular Premer-ligadagi to'rtta mag'lubiyatdan keyin turnir jadvalida so'nggi pog'onalardan yuqoriga chiqib olish uchun tarkibni kuchaytirish ishlarini olib bormoqda. 

Kristiansen ikki yil oldin hozirgi klubida kattalar jamoasiga ko'tarilgach, 73 ta o'yinda maydonga tushdi. U CHempionlar Ligasi va Konferenciyalar Ligasi tajribasiga ham ega.