Leroy Saneda jarohat yo'q. Nega u maydonga tushmadi?
02 sen 2018 07:30
Yangiliklar

Leroy Saneda jarohat yo'q. Nega u maydonga tushmadi?

"Manchester Siti" bosh murabbiyi Xosep Gvardiola "Nyukasl"ga qarshi bahs (2:1) borasida fikr bildirdi va yarim himoyachi Leroy Sane nega qaydnomaga kiritilmagani haqida gapirdi.

"Nyukasl" qarshi hujumlarda bizga etarlicha muammo tug'dira olishini isbotladi. Asta-sekinlik bilan o'yinimizni kuchaytirib boryapmiz. 12tadan 10 ochko olish biz uchun yaxshi natija, ko'nglim to'ldi.

Ikkinchi bo'limdagi sabrimiz menga yoqdi. O'yinni nazorat qilib, vaziyatlar yaratdik.

Sane jarohat tufayli qaydnomaga kiritilmadi? Yo'q, bu mening qarorim edi. Bizda 6 nafar hujumchi bor. Avvalgi safar Fil Foden tarkibda yo'q edi. Saneni qaydnomaga kiritmaslik alamli, u mashg'ulotlarda yomon harakat qilganini ko'rmaganman. Hech qanday jarohat yo'q. Tarkibimiz katta, bugun Leroyga joy topilmadi. Kelasi safar bu boshqasi bo'lishi mumkin" - deydi Gvardiola.

Havola :

Manba : BBC

Yangiliklarni Telegramda o'qing!

Reyting: +5