Leonid Senkevich: “To'p nazorati ko'proq bizda bo'ldi”

- Bugun raqib darvozasini ishg'ol qilish uchun juda ko'p imkoniyatlarga ega bo'ldik. O'yin davomida to'pni nazorat qilish borasida mezbonlardan ustunlik ham qildik. Futbolchilarimiz “Oq-tepa” posboni bilan birga-bir vaziyatga ham chiqib borishdi, biroq gol ura olmadik. Bunday holatga birinchi marta tushayotganimiz yo'q.
 
Mahalliy o'yinchilarimga hech qanday etirozim yo'q. Ular o'zlariga bildirilgan ishonchni to'la oqlashdi. Ayniqsa, yosh futbolchilarim o'zlarini ko'rsatishdi. Biroq nisbatan tajribali bo'lgan darvozabon Asilbek Omonov va Mamur Sultonovga etirozim bor. Ikkinchi gol ularning vijdoniga havola. Bunday saviyadagi futbolchilar bu kabi gollarni o'tkazib yubormasligi kerak.
 
Rahbariyat bilan gaplashaman. Bundan keyin futbolchilarga imkoniyat bermayman. Ularga etarlicha imkoniyat berildi. Yana nima deyishim mumkin? Qolgan uchrashuvlarda qo'limizdan kelgancha harakat qilamiz va g'alabalarni qo'lga kiritamiz, degan umiddaman.