Lempard: “Tarkibni tanlaganda futbolchining transfer narxiga etibor qaratmayman”

APL 25-turida “Lester Siti”ga (2:2) qarshi bellashuvda 38 yoshli posbon Villi Kabalero darvozani qo'riqladi. Londonliklarning asosiy posboni Kepa Arrisabalaga zaxirada qoldirildi.

“Kepa bu holatga men kutgandek munosabatda bo'ldi. U chin yurakdan mashg'ulotlarda qatnashdi.  Men bu hafta u bilan ko'p gaplashmadim. Men hali keyingi bahsga darvozabonni maydonga tushirish borasida bir qarorga kelganim yo'q.

Darvozabon klubga qanday kelgan, yoshi nechda, faoliyatining qaysi davri kechmoqda, buni menga qizig'i yo'q. Boshqacha bo'lganida men osongina ularni transfer summasiga qarab asosiy tarkibda tushirgan bo'lardim.

Lekin futbolchilar buni juda yaxshi bilishadi.Hammasi ularni mashg'ulotlarda va o'yinda qanday harakat qilishiga bog'liq. Jamoada raqobat bo'lishi lozim”, deya Lempardning so'zlaridan iqtibos keltirmoqda Londonliklar matbuot xizmati.