LegionerUz. Tehronni teng ikkiga bo'lgan o'yinda Server Jeparov jamoasi “Persepolis”ni taslim qildi

Bir tur avval sovrin uchun kurash olib borayotgan “Fulad” maydonida 4 ta gol urgan Jeparov jamoadoshlari, bu safar poytaxt derbisida zafar quchishga erishdi.

“Maydondagi atmosfera shunchaki super edi. Uni so'z bilan tariflashim qiyin. Menimcha, har qanday futbolchi shunday sharoitda to'p surishni orzu qiladi”, — deydi Server Jeparov. CHindan ham “Ozodi” sadionidagi muhit Tehron teng ikkiga bo'linganini ko'rsatib turgandi: “ko'klar” va “qizillar”.

“Persepolis” taqibchilaridan katta farq bilan o'zib ketgandi. 24 ta uchrashuvda ular faqatgina 1 marta mag'lubiyat alamini totib ko'rdi. Jamoaning haqiqiy kuchi “Nasaf”ga qarshi o'yinda ham ko'rindi. Tehron derbisining birinchisida “Persepolis” 1:0 hisobida zafar quchgandi va nominal mezbonlar penaltidan gol urgandi. O'shanda germaniyalik mutaxassis SHefer Serverni 86-daqiqaga kelibgina maydonga tushirgandi.

Bu safar Jeparov uchrashuvni boshlang'ich tarkibda o'tkazdi va 80 daqiqa to'p surdi. Avvalroq Tehron derbisini Eron futbolining 100 yillik tantanalarida ishtirok etayotgan FIFA prezidenti Janni Infantino ham stadiondan ko'rishi borasida xabarlar chiqqandi. Mana shu o'yinda “Istiqlol” birinchi davradagi mag'lubiyat alamini oldi. 

Esteghlal Vouria Ghafoori - 44'

Persian Gulf Pro League . 25-tur 01/03/2018, 16:15 0 : 1 Tugadi

Persepolis

45'

90'

44'  Vouria Ghafoori

Match-senterda ochish

“Istiqlol” ketma-ket 4 ta jiddiy o'yinda ishtirok etdi. Turnir jadvalida kuchli uchlikni yakunlab turgan klubni 6 mart kuni yana bir jiddiy sinov kutib turibdi. SHu kuni tehronliklar safarda Umar Abdulrahmon, Ahmad Halil kabi futbolchilari bor bo'lgan “Al-Ayn”ga qarshi saf tortadi.

Championat.asia statistikasi

Jeparov “Istiqlol”ning asosiy figurasi bo'lishda davom etadi. Mamlakatning eng oldi jamoalaridan birida shunday mavqega chiqib olganiyoq uning aslida qanday futbolchi ekanidan dalolat beradi.