LegionerUz. “SHanxay SIPG” mavsumni 8 ta gol urish bilan boshladi. Ahmedovda 2 ta golli uzatma bor
04 mar 2018 08:32
Yangiliklar

LegionerUz. “SHanxay SIPG” mavsumni 8 ta gol urish bilan boshladi. Ahmedovda 2 ta golli uzatma bor

2 mart kuni CHin o'lkasida ham yangi futbol mavsumi start oldi. Sizga malumki, bu erda o'zbekistonliklardan Anzur Ismoilov hamda Odil Ahmedov to'p suradi.

“CHanchun Yatay”

Himoyachi Anzur Ismoilov 2011 yildan buyon 1 ta klub sharafini himoya qilib kelyapti. Aziz Haydarov Amirliklarga qanday moslashib ketgan bo'lsa, Ismoilov o'zi uchun Xitoyni shunday qabul qila oldi, deyish mumkin. Uning jamoasi “CHanchun Yatai” chempionatni “SHanxay SHenxua”ga qarshi o'yin bilan boshladi. O'tgan mavsum Karlos Tevesni olib kelib, katta shov-shuv ko'targan jamoa, o'sha yilning o'zidayoq fantastik summa olayotgan argentinalik hujumchi bilan xayrlashib qo'ya qoldi.

“CHanchun Yatay” bilan o'yinda mezbonlar kolumbiyalik Jovanni Moreno, Freddi Guarin hamda paragvaylik Oskar Romero kabi legionerlar xizmatidan foydalandi. Guarin “Inter” va “Portu”dagi faoliyati orqali yaxshi tanish. Mehmonlar safida esa Ismoilovdan tashqari nigeriyalik hujumchi, “Granada” va “Uotford”dagi o'yinlari bilan tanilgan Odion Igalo harakat qildi. Bellashuv 1:1 hisobida yakuniga etdi. 90 daqiqa maydonda bo'lgan Ismoilov o'yinning 11-daqiqasiga kelib ogohlantirish ishlab oldi.

Shanghai Shenhua

Oscar Romero - 28'

Super League . 1-tur

02/03/2018, 15:35

Tugadi

Changchun Yatai

Xiaodong Fan - 62'

Stadion: Hongkou Football Stadium, 21098 tomoshabin

Bosh hakam: Kun Ai

45'

90'

Match-senterda ochish

Ismoilov bir necha yillardan buyon jamoasining asosiy himoyachisi bo'lib keladi. Tez orada uning shartnomasi, boshqa rejalari masalasiga ham oydinlik kiritishga harakat qilamiz.

“SHanxay SIPG”

O'zbekiston milliy terma jamoasi sardori harakat qiladigan “SHanxay SIPG” bir yil avval Skolarining “Guanjou Evergrand” klubiga jiddiy qarshilik ko'rsatib, ligani vice-chempion sifatida yakunlagan, CHempionlar Ligasida esa yarim finalga qadar etib borgandi.

“Jamoa o'tgan mavsum harakat qilgan futbolchilarni saqlab qoldi. Bu holat mavsumni muvaffaqiyatli boshlay olishimiz uchun muhim edi. CHunki endi yigitlar bir-birini yanada yaxshiroq tushunib harakat qilish imkoniyatiga ega”, — deydi Odil Ahmedov.

SHanxayliklar Xitoy Superligasi startiga qadar 3 ta rasmiy o'yinda ishtirok etib ulgurdi va ularning barchasida zafar quchdi. Avvaliga tay klubi ustidan qozonilgan minimal hisobdagi g'alaba shanxayliklarni CHempionlar Ligasining guruh bosqichiga olib chiqdi. Keyin esa safarda Yaponiyaning “Kavasaki Frontale” klubi 1:0 hisobida taslim qilindi. Avstraliyaning “Melburn Viktori” klubi postiga esa 4 ta gol urildi — 4:1.

Ahmedov ularning barchasida harakat qildi. Bu safar “SHanxay SIPG” mavsumni o'ta yirik g'alaba bilan boshlay oldi. Yaqindagina “Atletiko” futbolchilari bo'lgan Yannik Ferreyra Karrasko hamda Nikolas Gaytanni qo'lga kiritgan “Dalyan Yifang” klubiga qarshi o'yinda 8:0 hisobi qayd etildi.

Shanghai Port

Oscar - 1', Oscar - 24', Hulk - 37', Lei Wu - 60', Lei Wu - 65', Oscar - 75', Lei Wu - 83', Wenjun Lyu - 84'

Super League . 1-tur

03/03/2018, 15:35

Tugadi

Dalian Professional FC

Stadion: Shanghai Stadium, 21813 tomoshabin

Bosh hakam: Xing Guan

45'

90'

Match-senterda ochish

“Xitoyda asosiy ishni legioner futbolchilar bajaradi. SHuning uchun ham har bir klub safida saviyali kamida 4 tadan legioner bor. Biroq yaxshi o'ynay oladigan xitoyliklar ko'p emas. Borlari mamlakatning 6—7 ta klubiga bo'linib ketgan va aynan o'sha jamoalar chempionlik uchun harakat qiladi. CHunki siz ming harakat qilganingiz bilan, agar mahalliy futbolchilar shunga munosib javob bermasa, natija qilish qiyin. Kecha ham shunga guvoh bo'ldik. “Atletiko”dan 2 ta tajribali futbolchilar olib kelingan bo'lsa-da, raqib baribir hech narsa qila olmadi. CHunki uning safidagi mahalliy futbolchilar baribir talab darajasida emas”, — deb so'zini davom ettirdi Ahmedov.

Milliy terma sardori 90 daqiqa harakat qildi. Bellashuvda Vu Lei hamda Oskar xet-trik qayd etdi. Ahmedov har ikki futbolchining 1 tadan goliga pas bergani bilan yodda qoldi.

Championat.asia statistikasi

Ahmedov va Ismoilov O'zbekiston termasining asosiy futbolchilari hisoblanadi. Ular Marokash yig'iniga jalb etilgani sizga malum. Mart oyi ekvatoriga qadar ular yaxshi sport formasiga chiqib ulguradi.