La Liga 26-tur prevyusi
29 fev 2020 16:45
Yangiliklar
La Liga koronavirus sabab qoldirilmadi yoki o'yinlar bekor qilinmadi va bizni xursand qilishda davom etadi.
Bu hafta bizni qator qiziqarli o'yinlar kutib turibdi. Top-4 va umuman evrokuboklarga yo'llanmalar uchun kurash hal qiluvchi pallasiga etib kelmoqda. Kurash kimning foydasiga yakunlanishi borasida bir narsa deyish qiyin hozirgi vaziyatda. "Atletiko" o'ziga kelgan bo'lsa, Smolov elitada qolish uchun kurashayotgan "Selta"ga umid bag'ishlaganek.
Turning markaziy uchrashuvi "El-klasiko" haqida alohida gaplashamiz.
Tur intrigalari
Smolov va "Selta" xavfli zonadan uzoqlashishda davom etadi
Primera "podvalida" anchayin keskin kurash kechmoqda. "Selta" etakchisi Aspas jamoaga Smolov kelgach, zarur erkinlik va qo'llab-quvvatlashni his qilmoqda. Buni uning o'yinidan ham sezish qiyin emas. Yago yana "Selta"ni ortidan ergashtirmoqda va jamoa endi jon saqlashda yaxshi imkoniyatlarga ega bo'lib oldi. Navbatdagi uchrashuvni "Selta" safarda "Granada"ga qarshi o'tkazadi. Andalusiyaliklar "Osasuna"ni tor-mor etishdi va endi shu ishni navbatdagi turda ham amalga oshirish niyatidalar.
Mag'lubiyat "Selta"ni yana o'sha chuqurga qaytarib tushirib yuboradi va kurash yanada qiyinlashadi. "Malorka" bor yo'g'i 2 ochkoga ortda qolayotgan bo'lsa, "Espanol" ham aynan La Ligada qolish uchun Evropa Ligasidan sekingina chiqib ketdi. Ispaniyada kurash nafaqat jadvalning yuqori qismidagilar o'rtasida bo'layapti, balki eng pastdagilar ham bor kuchlari bilan harakat qilishmoqda.
"Atletiko" o'ziga keldi-mi?
"Atletiko"ni hisobdan chiqarganlar naqadar shoshqaloqlik qilishganini tushunib etishayotgan bo'lsa ajabmas. Jamoani kim boshqarayotganini yodga olsak kifoya. SHunchaki avvalgi o'yinlarda "matraschilar"ga yaratilgan vaziyatlardan foydalana olmaslik pand berayotgandi. Ko'plab jarohatlarga qaramay, jamoa o'shanda ham anchayin kuchli futbol namoyish qilayotgandi.
Hozir Diego Simeonening bir nechta shogirdi jarohatidan forig' bo'lib, safga qaytdi. Faqatgina Lemar umumiy guruhda shug'ullanmayapti, Diego Kosta individual dastur bo'yicha mashg'ulot olib bormoqda. Qolgan hamma jamoa CHempionlar Ligasi yo'llanmasini ertaroq qo'lga kiritishi uchun bor kuchini berishga tayyor. "Atletiko" bu kurashda shubhasiz favorit. "Indeyslar" raqobatchilari stabil o'yin ko'rsata olmayotgan bir pallada vaziyatdan unumli foydalanib qolishmoqda. Oldinda "Espanol" va "Sevilya"ga qarshi o'yinlar, hamda madridliklar bu o'yinlarda maksimal ochko to'play olishsa, bevosita raqiblaridan biriga ham zarba bergan bo'ladilar.
"Atletiko" tarkibdagilar sog' bo'lsa va jamoa xayoli bo'linmasa, qanday kuchga ega bo'lishini CHempionlar Ligasining amaldagi g'olibi "Liverpul" va chempionat o'tgan turida "Vilyarreal" o'zlarida his qilib ulgurishdi. Hozircha, voqealar rivoji "Atletiko"ning yanada kuchayib, o'yinini yaxshilab borishiga qarab ketmoqda. Simeone jamoasi bilan ular yaxshi sport formasida bo'lmaganda ham kurashish osonmas, ortiqcha muammolar bo'lmaganda esa bu yanada qiyinroq.
Evrokubok yo'llanmalari uchun kurash hal qiluvchi pallasi
CHempionlik poygasi alohida masala, lekin undan keyingi o'rinlar uchun murosasiz kurash davom etmoqda. Primere La Ligada chindan kuchli va evrokuboklarda munosib ishtirok eta oladigan klublar etarli. ECHL va Evropa Ligasi yo'llanmalari uchun kurashayotganlar ro'yxatida "Atletiko"ni ko'rmasdik, so'nggi yillarda ular uchinchi o'rinni ortiqcha qiyinchiliksiz eggalashayotgandi, lekin "indeyslar" yo'q joydan o'zlariga muammolar paydo qilishdi va CHempionlar Ligasidan chetda qolib ketishlari mumkin. Amalda bunday bo'lishi qiyinu, matematik jihatdan buning hali imkoni bor.
Biroq ularsiz ham etiborga loyiq jamoalar mavjud. Birinchi navbatda "Real Sosedad"ni qayd etish lozim. Jamoa juda yaxshi sport formasiga kirib oldi va raqib grand jamoalardan bo'lsa ham, cho'chimay, olg'a bormoqda. Kechasi "Sosedad" g'alaba qozondi va 43 ochko bilan "Atletiko" va "Sevilya"ga etib oldi, hali jamoaning zaxirada yana bitta o'yini bor.
"Sevilya" va "Xetafe" ham ECHL yo'llanmasidan umid qilishmoqda. "Sevilya"ning bunday ishtiroki u qadar ajabdantirmasada, Bordalas shogirdlari bu qadar yuqori o'rinlar uchun kurashishi biroz kutilmagan holat. "Xetafe" o'tgan mavsumdagidanda yaxshiroq ishtirok etishmoqda va natijani yaxshilash niyatidalar. Vaholanki, o'sha natija klub tarixidagi eng yaxshi ishtirok bo'lgandi. Har ikki klub qiyin, ammo engish mumkin bo'lgan raqiblar bilan kuch sinashadi va mag'lub bo'lgan taqdirda, ko'p narsa yo'qotishi hech gap emas.
Ispaniya chempionati. 26-tur
Real Sosedad - Valyadolid 1:0
Eybar - : - Levante
Valensiya - : - Betis
Leganes - : - Alaves
Granada - : - Selta
Sevilya - : - Osasuna
Atletik Bilbao - : - Vilyarreal
Espanol - : - Atletiko Madrid
Malorka - : - Xetafe
Real Madrid - : - Barselona
Neytral muxlislarni murosasiz kurashlarga boy o'yinlar kutib turibdi.
Omonjon To'xtamirzaev tarjimasi
O’xshash yangiliklar
![AMP Logo](https://championat.asia/image/logo-amp.png)
Fikrlar