Kuman Suares va Vidalni mashg'ulotlardan ozod qildi

Manbaga ko'ra, “Barselona” futbolchilari Arturo Vidal va Luis Suares jamoaviy mashg'ulotlar ishtirok etmayapti. Bunday qarorga klub bosh murabbiyi Ronald Kuman kelgani aytilmoqda.

Tez orada ikkala o'yinchi ham kataloniyaliklarni tark etadi. Suares “Yuventus”ga o'tishi yaqin, Vidal esa “Inter”da faoliyati davom ettirishi kutilmoqda. Luis va Arturoning klub bilan amaldagi shartnomasi 2021 yilda yakunlanadi.

Urugvaylik forvard o'tgan mavsum Primerada 28 o'yinda qatnashib, 16+8 natija ko'rsatishga erishgan. CHililik xavbek esa 33 bahsda o'z hisobiga 8+2 natija yozdirib qo'ygan edi.