"Kristal Pelas" hujumchisining qulog'iga 25 ta chok tushdi

"Kristal Pelas" hujumchisi Jan-Filipp Matetaning qulog'iga 25 ta chok tushdi. Hujumchi Angliya kubogidan o'rin olgan "Milluoll" klubiga qarshi o'yinda raqib davrozaboni bilan to'qnashib ketgandi. Darvozabon 7-daqiqada to'pga chiqaman deb oyog'i bilan to'g'ri Matetaning boshiga zarba bergandi. Posbonga to'g'ridan to'g'ri qizil kartochka berildi. Mateta esa maydonni kislorod niqobi bilan zambilda tark etdi. 

"Kristal Pelas"ning xabar berishicha, Matetaning qulog'i tikilib, unga 25 ta chok tushgan. Hujumchi tez orada maydonga qaytishi kutilmoqda.