Kovach: “Oxirgi bellashuvlarni “Bavariya” juda yaxshi o'tkazmoqda”

“Dastlabki 20 daqiqani hisobga olmaganda, bu o'yin jamoamizning eng yaxshi matchlaridan biri bo'ldi. O'yin boshida raqibning tezkor qarshi hujumlarini bartaraf etish qiyinchilik tug'dirdi. So'ngra biz nimani istagan bo'lsak, shuni amalga oshira oldik. Tezkor paslar orqali hujumga o'tdik, natija raqib bizga pressing uyushtirganda katta qiyinchilikka duch keldi. So'nggi bellashuvlarni biz yuqori ruhda o'tkazayapmiz. “Bavariya”ning boshqalardan farqli tomoni ham shunda”, deya Kovachning so'zlaridan iqtibos keltirmoqda Myunxen klubi matbuot xizmati.

“Bavariya” ayni paytda 36 ochko jamg'arib Bundesliga turnir jadvalida ikkinchi pog'onada bormqda. Myunxenliklarning g'alabali seriyasi so'nggi uchrashv bilan qo'shib hisoblaganda beshta o'yinga etdi.