Ko'p narsani hal qiladigan OFK yig'ilishi (1-qism)

Ulardan eng muhimi sifatida OCHL va OFK Kubogi uchun mamlakatlarga ajratiladigan o'rinlar, 2016 yil o'tkaziladigan 22 yoshgacha futbolchilardan iborat terma jamoalar uchun Osiyo chempionati va futzal bo'yicha qita chempionati mezboni aniqlanishini keltirish mumkin. SHuningdek, Osiyoning eng yaxshi futbolchisini aniqlash ham noyabr oxiriga belgilangan.

Yig'ilishda OFK OCHL hamda OFK Kubogi uchun kvotalar rasman malum qilinadi. CHempionlar ligasida ishtirok etish uchun o'sha mamlakat reytingda kuchli 24talikdan o'rin olishi va o'z mintaqasida kuchli 12 davlatdan biri bo'lishi lozim. SHu bilan birga OFK tomonidan qo'yilgan 6  talabga javob berishi shart. Texnik standart (OFK reyting ballari), klub licenziya tizimi, sport halolligi, PFL tashkilotchiligi, stadionlar va logistika, viza, sharoitlar hisobga olinadi.

Hozirgi holatda OFK reytingi quyidagi ko'rinishda hisoblanmoqda:
reytingni hisoblashda 70 foiz klublar va 30 foiz milliy terma jamoa natijalari hisoblanadi, oxirgi 4 yillikdagi natijalar amalda bo'ladi. Unda g'alabaga 3, durangga 1 va keyingi bosqichga o'tilgani uchun 3 ochkodan beriladi. Lekin OFK Kubogi va OCHLda qo'lga kiritilgan ochkolar turlicha bo'ladi. OFK Kubogida qo'lga kiritilgan har bir ochko OCHLning uchdan biri sifatida hisoblab qo'shiladi. Bu OCHLda 1 ochko OFK Kubogidagi 3 ochko bilan teng deganidir. Klublar musobaqalarida bittadan ko'p klub ishtirok etganda umumiy ochkolar qatnashchilar soniga bo'lib yuboriladi. Birinchi o'rindagi associaciya 100 ochko oladi va boshqalar o'rniga qarab proporcional ravishda kamaygan ochkolarga ega bo'lishadi.

OCHLda OFKning ushbu reytingida dastlabki 24 pog'onasidan o'rin egallagan mamlakat klublari ishtirok etishlari mumkin. Albatta, bunda jamoalar licenziyadan o'tgan bo'lishlari, etarli sharoitlarga ega bo'lishi belgilab qo'yilgan. OCHLga saralash bosqichi 3 davradan iborat bo'ladi va o'yinlar faqat bir maydonda bo'lib o'tadi. Reytingda 7-12 o'rindagi davlatlar jamoalari OCHL saralashida mag'lubiyatga uchrasa, ular OFK Kubogi guruh bahslarida o'ynashadi. Agar bu davlatlar jamoalari OCHL guruh bosqichiga yo'llanma olsa, unda chempionatda keyingi o'rinni egallagan klubga OFK Kubogi guruh bosqichida ishtirok etishga imkoniyat beriladi. OCHLda guruh bahslaridan keyin nimchorak, chorak, yarim final va final ikki o'yindan iborat bo'lishi saqlab qolinadi.

Reytingda 25-32 o'rindagi associaciyalar jamoalari OFK Kubogi guruh bosqichi, 33-47 pog'onadagi davlatlar klublari esa OFK Kubogi pley-off bahslarida qatnashadi. 2014 yildagi o'rinlar taqsimoti 2015-2016, 2016 yildagi taqsimot esa 2017-2020 yillar uchun amal qilinishi haqida aytilgandi. Biroq bu har bir yil oxiridgi yig'ilishda o'zgarib ketishi ham mumkin.

OFK Kubogida ishtirok etuvchi davlatlar kamida bitta “A” toifadagi stadionga ega bo'lishlari lozim. OFK Kubogida ham saralash raundi 3tadan iborat bo'ladi. Nimchorak, chorak va yarim finallar 2tadan maydonda o'tkaziladi. Final esa finalchilardan birining maydonida bo'lib o'tadi.

Ushbu yil OCHL uchun o'rinlar taqsimotida Iroq bilan muammo yuzaga kelmoqda. Iroq klublari  licenziyalashdan o'tmagani sababli bu mamlakatning 1+1 o'rni boshqa davlatlarga bo'lib berilish ehtimoli mavjud. Bunday holatda reytingda yuqoriroq bo'lgan O'zbekiston va BAAda ushbu kvotalarga ega bo'lish imkoniyati paydo bo'ladi. SHunda biz 3+1 o'rniga ega bo'lamiz. Saudiya Arabistoni va Eron esa maksimal o'rinlarga ega. Agar OFK reglamentga amal qilib, licenziyadan o'tmagan davlatni OCHLga qo'ymasa, unday holda O'zbekiston, BAA va Qatarda o'rinlarni ko'proq olish imkoniyati bor. Biroq hammasini 29 noyabrda o'tadigan yig'ilish aniqlab beradi.

OFK tomonidan elon qilingan yakuniy reyting shunday ko'rinish olgan:

1. Janubiy Koreya	68,294	26,571	94,866
2. Saudiya Arabistoni	70,000	18,268	88,268
3. Eron	50,794	30,000	80,794
4. Yaponiya	47,161	29,946	77,107
5. O'zbekiston	35,593	26,679	62,272
6. Avstraliya	38,708	19,232	57,940
7. BAA	35,667	22,125	57,792
8. Xitoy	37,892	19,768	57,660
9. Qatar	36,335	19,768	56,103
10. Iroq	26,052	21,054	47,106
11. Quvayt	31,441	13,982	45,423
12. Iordaniya	21,059	23,250	44,309
13. Tailand	27,585	5,464	33,049
14.Ummon	9,640	20,946	30,586
15.Vetnam	16,610	11,143	27,753
16. Bahrayn	9,047	16,500	25,547
18. Indoneziya	18,093	6,911	25,004
17. Livan	11,864	13,179	25,043
19. Suriya	14,633	8,250	22,883
20. Gonkong	14,237	5,839	20,077
21. Myanmar	7,860	11,089	18,949
22. Malayziya	10,975	7,179	18,153
23. Hindiston	10,381	6,375	16,756
24. Singapur	9,936	6,161	16,097
26.Maldiv	6,081	9,804	15,884
25. Falastin	0,000	15.911	15,911
27. Filippin	0,000	12,268	12,268
28. Tojikiston	0,297	11,464	11,761
29. Afg'oniston	0,000	11,464	11,464
30. Turkmaniston	0,000	10,554	10,554
31. KXDR	0,000	9,000	9,000
32. Qirg'iziston	0,297	8,464	8,761
33. Laos	0,000	7,554	7,554
34. Guam	0,000	5,946	5,946
35. Yaman	1,928	3,321	5,249
36. SHri Lanka	0,000	4,071	4,071
37. Bangladesh	0,000	3,643	3,643
38. Nepal	0,000	3,268	3,268
39. Pokiston	0,000	2,732	2,732
39. Timor Leste	0,000	2,732	2,732
41. Makau	0.000	2,625	2,625
42. Kambodja	0,000	2,464	2,464
43. Xitoy Taypeyi	0,000	2,089	2,089
44. Mo'g'uliston	0,000	1,554	1,554
45. Bruney	0,000	0,804	0,804
46. Butan	0,000	.	.

Izoh: 1-ustun mamlakat, 2-ustun klublar ballari, 3-ustun milliy terma jamoa ballari, 4-ustun umumiy ball.


Mintaqalar bo'yicha klublar musobaqalariga taqsimot quyidagicha ko'rinishda bo'ladi. Umumiy jadvaldan har bir mintaqaning o'ringa mos keluvchini davlatini joylashtirgan holda o'zingiz ham kvotalar haqida xulosa chiqarish imkoniyatiga egasiz. Biz sizlarga qulay bo'lishi uchun uni ochiq jadval ko'rinishida (qo'llanma sifatida) havola etamiz:

Masalan, O'zbekiston o'z mintaqasida Saudiya Arabistoni va Erondan keyingi uchinchi o'rinni egallab turibdi.
 

Reyting	OCHL guruh	OCHL pley-off	OFK guruh	OFK pley-off	OFK saralash
1	3	1
2	3	1
3	2	2
4	2	2
5	1	2
6	1	1
7		1	1
8		1	1
9		1	0	1
10		1	0	1
11		1	0	1
12		1	0	1
13			1	1
14			1	1
15			1	1
16			1	1
17				1	1
18				1	1
19				1	1
20				1	1
21				1	1
22				1	1
23				1	1
Umumiy	12	9+6	6	15	7

 
Biz uchun yana 22 yoshgacha bo'lgan futbolchilardan iborat terma jamoalarning Osiyo chempionati mezboni nomi aniqlanishi ham katta ahamiyatga ega.

Davomi bor...

Behzod NAZAROV.