Klub futbolchi va murabbiylar bilan 10 yanvarga qadar to'liq hisob-kitob qilishi kerak
25 dek 2023 20:28
Yangiliklar

Klub futbolchi va murabbiylar bilan 10 yanvarga qadar to'liq hisob-kitob qilishi kerak

Teglar : Superliga

O'FA Futbolchilar maqomi va o'tishi bo'yicha qo'mitasining 2023 yil 15 dekabrdagi 12-03-sonli yig'ilishi bayoniga muvofiq futbol klublari futbolchilar va murabbiylar oldidagi qarzdorligini 2024 yilning 10 yanvariga qadar to'liq bartaraf etishi hamda buni tasdiqlovchi hujjatlarni O'FAga taqdim etishi kerak.

Mazkur muddatga qadar qarzdorlikni to'liq bartaraf etmagan futbol klubiga nisbatan qishki transfer oynasi bilan bog'liq sankciyalar qo'llanadi. Bu haqda O'FA futbol klublarini rasman boxabar qildi.

Malumot uchun, 2023 yil yakuniga etib borayotgan bo'lsa-da, ayrim futbol klublari futbolchilar va murabbiylar oldidagi qarzdorligini bartaraf etmagan. Vaholanki, licenziyalash bo'yicha reglamentning F.04-bandiga asosan futbol klubi o'zining joriy/sobiq futbolchisi hamda murabbiyi oldidagi qarzdorlikni o'z vaqtida bartaraf etishi, shuningdek, qarzdorlik mavjud emasligi to'g'risidagi deklaraciyani Licenziya beruvchi organga taqdim etishi lozimligi belgilangan.

Havola :

Manba : pfl.uz

Yangiliklarni Telegramda o'qing!

Reyting: +6