Klopp o'sha burchak to'pini qay tariqa ko'ra olmay qolganini aytdi

"Trentning o'sha vaziyatdagi harakatini ko'ra olmay qoldim. To'p burchakka chiqib ketganini, uning oldiga Trentning yugurib ketayotganini ko'rdim. SHakiri uning oldiga yugurib borayotgandi. O'sha pallada men ortga qayrildim va yordamchimga navbatdagi o'zgarish borasida ko'rsatma bermoqchi edim.

Birdaniga baqiriqlar eshitildi. Maydonga qarasam to'p darvozaga kirib ketayotgan ekan. Keyin yana bir bor ortga qaradim. Yordamchim menga: "Nima bo'ldi?" deb savol berdi. "To'g'risi bilmayman", deb javob berdim. "Enfild" sakradi - eng yuqori shiddatda edi! O'shanda tushundim va yordamchimga: "O'zgarish qilamizmi?" deb savol berdim. Xaxaxa! Bu vaziyatni umuman unutmayman, u qanday hayron qolganini ko'rsangiz edi! Bu bir umrlik xotira bo'lib qoladi.

Bilasizmi, 18 yillik faoliyatim, millionlab soatlab davomida biror marta ham shunday vaziyatlarni qo'yib yubormagandim. Ammo bir soniyalik etiborsizlik faoliyatimdagi eng zo'r damni ko'ra olmasligim sababchisi bo'ldi. O'sha tunda Divokning golini 500 000 marta tomosha qildim. Har doim o'yindan keyin o'zimning kichikkina xonamga bir qultum pivo bilan borardim. Ammo o'sha kuni buning keragi bo'lmadi.

Uyga borganimda do'stlarim va qarindoshlarimni ko'rdim va quvnoq kayfiyat bilan bayram qildik. Hayotimdagi eng shirik tushni ko'rdim. Ertasi kuni ertalab ham o'sha golni ko'rib, "Bu hayotda bo'ldimi? Haqiqatmi?" deb savol bergandim", - dedi Klopp.