Klopp "Liverpul"ning "SHrusberi Taun"ga qarshi o'yinini noutbukda kuzatadi

Germaniyalik mutaxassis jamoaning asosiy tarkib futbolchilariga dam bergan va ularni Angliya Kubogi doirasidagi o'yinga chaqirmoqchi emas.

"SHrusberi Taun"ga qarshi o'yinda esa mersisaydliklarga 23 yoshgacha bo'lgan "Liverpul" jamoasi ustozi Nil Kritchli ustozlik qiladi.

Xabarlarga ko'ra, Klopp o'yinni jonli efirda klub telekanali hisoblangan LFC TVda tomosha qiladi. SHuningdek, nemis mutaxassisi tanaffusda futbolchilar bilan videomuloqot qilishi mumkin.

Eslatib o'tamiz, "Liverpul" va "SHrusberi Taun" jamoalari o'rtasidagi o'yin 4 fevral kuni "Enfild" stadionida bo'lib o'tadi.