Klopp: "Grand klublarning amalga oshirayotgan transferlaridan hayratlanmayman"

"Men bu klublarning bunday pul sarflaganiga hayron bo'lmayman, chunki bu ular pandemiya davrida moliyaviy qiyinchiliklarga deyarli uchramadi.

Bilaman, ular transferlarga pul sarflash yo'lini topishadi. Biz o'z holatimizdan xabardormiz. Aytish kerakki, "CHelsi", "Man Siti" va PSJ klublarning sharoitini hammamiz bilamiz. Bizning o'z hayotimiz bor. Biz uchun ajratilgan pulnigina sarflashga majburmiz. Bu doimiy amalga oshiradigan yo'limiz hisoblanadi.

Bu yil Konateni sotib oldik, chunki o'tgan mavsumdan keyin biz bu poziciyada tavakkal qilmasligimiz aniq bo'ldi. Bizdagi vaziyat shunaqa.

Hech qachon "CHelsi", "Siti" yoki "Yunayted"ning moliyaviy imkoniyatidan hayratlaymayman. Ushbu mamlakatda etarlicha yashadim va bildimki, ular har doim bunday narsalarga echim topishadi. Bizning uslub esa tarkibni saqlab qolish hisoblanadi.

Biz shunchaki istalgan futbolchilarni sotib olib, ular bilan shartnoma imzolay olmaymiz. Bu haqda allaqachon aytganman, o'zimizni boshqa klublar bilan solishtira olmaymiz. SHubhasiz, ular uchun hech qanday cheklovlar yo'q, lekin bizda cheklov mavjud. Ammo so'nggi ikki yil ichida imkoniyatimiz cheklangan bo'lsa ham, katta yutuqlarga erishdik va buni yana takrorlashga urinib ko'ramiz", — deydi germaniyalik murabbiy.