Klopp Dias bilan holat haqida: "Hayotda futboldan muhim narsalar bor"

Eslatib o'tamiz, kolumbiyalik futbolchining otasi o'g'rilar tomonidan o'g'irlab ketilganidan 12 kun o'tib ozodlikka qaytdi.

"Bu juda qiyin holat. Futboldan muhim narsalar borligini doimo yodimda tutaman va barchasini to'g'ri tushunaman. Menda bunday holat hali bo'lmagan.

Bu jamoa ushbu voqelik bo'lguncha ham birdam bo'lgan, ayni damda barchasi joyida, hammaning ko'ngli xotirjam. Birinchi o'yinda Diassiz qiynaldik, bunday holatida uni futbol o'ynashga majburlamoqchi bo'lmadik. Ammo buni qilishga majbur bo'ldik. Yigitlar ham vaziyatdan chiqa olishdi.

Futbolchilar, umuman olganda barcha insonlar doimo xavfsizlikda, xavfsiz joylarda bo'lishi kerak", - dedi Klopp.