Kevin De Bryuyne: "Manchester Siti"ning rejasi - Azar va Villianga o'ynashga imkon bermaslik edi"

"Biz yaxshi o'yin ko'rsatganimizdan juda xursandman. Bahs taktika jihatdan juda qiyin bo'lishi bilgandik. "CHelsi" - qarshi hujumlar bo'yicha eng yaxshi jamoalardan biri, biroq biz namoyish etgan o'yin uslubi juda kuchli edi. Rejamiz Azar va Villian o'ynashiga imkon bermaslik bo'ldi, chunki ular juda xavfli. Biz 3-4-3ga yaqin sxemada harakat qildik.

Qaysidir mavsumoldi o'yinidan so'ng Pep mag'lubiyatni yomon ko'radigan jamoaga aylanishimiz kerakligini aytgan edi. Bu mavsumda aytilgan vazifani bajarishga va yirik bahslarda ochko olishga harakat qilyapmiz. Sentyabrda yaxshi natijalarga erishdik va terma jamolardan qaytganimizdan so'ng shu ruxda davom etishni istaymiz" - deydi De Bryuyne.