"Keldim, ko'rdim, g'alaba qozondim" shioriga mos ish olib borgan murabbiyning shartnomasi tugadi
21 iyu 2021 14:35
Yangiliklar
![](https://championat.asia/upload/storage/643974_original.jpg)
![](/upload/storage/643974_220.jpg)
"Keldim, ko'rdim, g'alaba qozondim" shioriga mos ish olib borgan murabbiyning shartnomasi tugadi
Markazlashgan tartibdagi musobaqadan oldin eronliklar juda qiyin vaziyatda qolishgandi. CHunki guruhda Iroq termasi 11 ochko bilan peshqadamlik qilayotgan, Bahrayn 9 ochko to'plab ikkinchi o'rinni egallab turgan hamda Eron 6 ochko bilan uchinchi o'rinda edi.
Bahrayn poytaxti Manamada tashkil etilgan o'yinlarda Eron terma jamoasi boshdan baland sakrab, qolgan to'rtta o'yinning hammasida g'alaba qozondi. Forslar dastlab Gonkongni 3:1, undan keyin Bahraynni 3:0 hisobida mag'lub etishdi. Oxirgi ikkita uchrashuvda ham g'alaba qo'lga kiritildi.
Eron terma jamoasi Kambodjani 10:0 hisobida mag'lub etgan bo'lsa, hal qiluvchi final o'yinida Iroqni 1:0 hisobida mag'lubiyatga uchratdi. SHunday qilib oxirgi 4 o'yinda 4ta g'alaba qo'lga kiritildi. Natijada forslar guruhdan birinchi o'rin bilan keyingi bosqichga yo'l olishdi. Mana jahon chempionatiga borishni xohlaydigan jamoa qanday bo'lishi kerak!
Endi bo'lsa Eron bosh murabbiyi Dragan Skochich bilan bog'liq muammoli vaziyat yuzaga kelgan. Sababi ushbu murabbiyning shartnomasi tugadi. 52 yoshli xorvatiyalik mutaxassis 2020 yilning fevral oyida Eron milliy terma jamoasi bosh murabbiyi etib tayinlangandi. Qizig'i shundaki, uning qo'l ostida Team Melli futbolchilari oxirgi 7ta uchrashuvni g'alaba bilan yakunlashdi.
Aytib o'tganimizdek, oxirgi 4ta rasmiy bahsda g'alaba qo'lga kiritilgan bo'lsa, ungacha o'tkazilgan uchta o'rtoqlik uchrashuvida ham g'alabalar qayd etildi. Bu o'yinlar O'zbekiston, Suriya va Bosniyaga qarshi kechdi. Eron terma jamoasi tarixida ketma-ket 7ta o'yinda g'alaba qozonishni bungacha oxirgi marta 1974 yil Frank O'Farrel qayd etgan.
Eron futbol federaciyasi Dragan Skochich bilan shartnoma uzaytiradimi? Federaciya rahbari Azizi Xademning aytishicha, shu kunlarda bu masala ko'rib chiqilayotgan ekan. Jurnalistlar esa terma jamoa ruliga Karlush Keyrush yoki Branko Ivankovich qaytishi mumkinligi haqida yozishmoqda. CHunki hal qiluvchi oxirgi raundda o'yinlar yanada qiyin kechadi.
SHunday ekan, buyog'iga nima bo'lishini vaqt ko'rsatadi. Eslatib o'tamiz, Osiyoda JCH-2022 saralash bahslari 2 sentyabrdan davom ettiriladi.
O’xshash yangiliklar
![AMP Logo](https://championat.asia/image/logo-amp.png)
Fikrlar