Karimberdi Mamadaliev: "Yozyovon"ni Pro-Ligada saqlab qolish uchun astoydil harakat qilamiz"
04 noy 2018 20:34
Yangiliklar

Karimberdi Mamadaliev: "Yozyovon"ni Pro-Ligada saqlab qolish uchun astoydil harakat qilamiz"

Teglar : Yozyovon-lochinlari Karimberdi Mamadaliev

Pro-Liga 33-turidan o'rin olgan "Yozyovon-Lochinlari" - "Iftixor" (1:2) uchrashuvidan so'ng mezbonlar futbolchisi Karimberdi Mamadaliev "Championat.asia” saytiga intervyu berdi.

Bugun qiyin uchrashuv o'tkazdik. Bilasiz, derbilar har doim shiddatli bo'ladi. "Iftixor" jamoasi bilan bo'ladigan uchrashuvga jiddiy hozirlik ko'rgandik.

Bugungi uchrashuvni tomosha qilgan muxlislar va mutaxassislar ko'rib guvoh bo'lishdi, uchrashuvda yaqqol ustunlik biz tomonda bo'ldi. Afsuski, yuzaga kelgan vaziyatlardan foydalana olmadik va yakunda mag'lub bo'ldik.

"Yozyovon-Lochinlari"ning Pro-Ligada yana 3 ta o'yini qoldi. O'yindan keyin jamoamiz azolari bilan jiddiy gaplashib oldik, endi qolgan barcha uchrashuvlarda g'alaba qozonib, jamoamizni Pro-Ligada saqlab qolish uchun astoydil harakat qilamiz - deydi Karimberdi Mamadaliev.

Bekzod Tolibov yozib oldi.