Kamol Jo'nashev: "Navbahor" yoshlari bilan ishlash qiziqarli bo'ladi"

Jo'nashev klubning yoshlar jamoasi bosh murabbiyi sifatida ishlaydi. SHu munosabat bilan biz murabbiyning fikrlari bilan qiziqdik.

"Xabariingiz bor, "Istiqlol" moliyaviy muammolar sababli bu yilgi mavsum birinchi ligada ishtirok etmasligi deyarli aniq bo'lib ulgurdi. Kuni kecha Baxtiyor Ashurmatov menga "Navbahor" yoshlar jamoasi bilan ishlashni taklif qildi. Rahbariyat bilan uchrashib gaplashdik, bu ish menga qiziqarli tuyuldi. Oldingi murabbiy Aleksandr Lyanning sog'ligi bilan bog'liq muammolar borligi tufayli uning o'rniga meni murabbiy etib tayinlashdi", - deb gap boshladi Jo'nashev.

Hali mavsum boshlanishiga biroz muddat vaqt bor. Unga qadar o'rtoqlik o'yinlari orqali qobiliyatli futbolchilarni saralab olamiz. Talabimizga javob bermagan bazi o'yinchilarga javob beramiz. Juma kuni "Xotira 79" jamoasiga qarshi nazorat uchrashuvini o'tkazdik. Bahs 1:1 hisobida o'z yakuniga etdi".

"Bu yil "Navbahor" yoshlar jamoasi safida asoan 1995, 1996 va 1997 yilda tug'ilgan yigitlar to'p tepishadi. Namangan va vodiydagi yosh qobiliyatli futbolchilarni izlab ularni jamoaga jalb qilish kerak. Asosiy maqsadimiz "Navbahor"ning asosiy tarkibiga futbolchi etishtirib berish. SHu orqali o'smirlar, yoshlar va milliy terma jamoalarga futbolchi tarbiyalash", - deydi Kamol Jo'nashev.


Narzulla Saydullaev