Joel Kojo "Dinamo"ni tark etadimi? Vadim Abramov javob berdi

"Yangi mavsum oldidan tarkibni kuchaytirish ishlarini deyarli yakunladik. Qo'l ostimdagi tarkibdan ko'nglim to'q. Jamoa hujumchisi Kojo Joel tez orada Turkiyadagi yig'inimizga qo'shiladi, u Osiyo kubogidan keyin biroz betobligi sababli kechroq kelmoqda. 

Jamoaga taklif etiladigan oxirgi yangi futbolchi tayanch yarim himoyachisi bo'ladi. Biz bu masalada legioner o'yinchi bilan gaplashganmiz. U bilan maydon markazimizni yanada kuchaytiramiz. U ham yaqin orada Turkiyadagi yig'inimizga qo'shilishi kutilmoqda. SHu bilan tarkib masalasi yopiladi", - deydi Vadim Karlenovich klub matbuot xizmati bilan suhbatda.