"Jizzaxdagi o'yin uchun javob qaytardik" - Diyoraxon Habibullaeva

Toshkentda o'tgan bahsda Jizzaxning "So'g'diyona" klubi qizlari oldingi mavsum chempioni — "Bunyodkor-W"dan minimal hisobda ustun keldi. Uchrashuvdan keyin "bo'rilar" etakchisi Diyoraxon Habibullaevaning fikrlariga quloq tutdik.

— O'yin haqidagi fikringiz?

— O'yin juda mashaqqatli o'tdi. Yil davomida qilgan mehnatlarimiz bugun mevasini berdi. Qizlarning yuragida shu paytgacha nimadir bor edi, shu narsani chiqarib yubordik. Boshqa o'yinlarga qaraganda bugun qizlarning o'ziga ishonchi kamroq edi. Lekin bugun hamma o'zini ko'rsatdi. 

— "So'g'diyona" nimaning evaziga g'alaba qozondi?

— Biz har safar yaxshi o'ynashga harakat qilamiz. Bugun ham jamoa bilan munosib o'yin ko'rsatdik, deb o'ylayman. Kubokni qo'lga kiritish ishtiyoqi ko'proq bo'lgani uchun ham yutib ketdik. 

— Kelajak rejalar qanday?

— Mana, Osiyo chempionatiga yo'llammani ham qo'lga kiritdik. Bu yil "So'g'diyona" klubi sharafini himoya qilgan bo'lsak, kelasi yil O'zbekiston nomidan maydonga tushamiz. Nasib qilsa, yaxshi natijaga erishish uchun bor kuchimiz bilan harakat qilamiz. 

— Jamoangiz bugungi g'alabani noodatiy uslubda nishonladi. Buni 18-noyabr kuni Jizzaxda "Bunyodkor"ning foydasiga hal bo'lgan o'yinda raqib vakilasi Aziza Norboeva ijrosida ko'rgan edik...

— Ha, bugun o'sha o'yin uchun javob qaytardik.

M. Kushbakova suhbatlashdi

Final qanday o'tdi?