JCH yo'lidagi raqiblarimiz: Eron, Janubiy Koreya, Xitoy, Qatar va Suriya
12 apr 2016 13:50
Yangiliklar

JCH yo'lidagi raqiblarimiz: Eron, Janubiy Koreya, Xitoy, Qatar va Suriya

Teglar : Qura

Bugun Malayziya poytaxti Kuala-Lumpur shahrida Jahon chempionati-2018 saralashining 3-bosqichi uchun qura tashlash marosimi bo'lib o'tdi.

YANGILASH

“Mandarin Oriental” mehmonxonasida bo'lib o'tadigan qura tashlash marosimi Toshkent vaqti bilan soat 13:30da boshlanadi. Unda 12 terma jamoa JCH-2018 saralashi 3-bosqichi uchun o'z raqiblarini bilib olishadi. Jamoalar 6tadan ikki guruhga bo'lingan holda JCH-2018 final bosqichi yo'llanmasi uchun kurashni davom ettiradilar. Qura tashlash marosimida Osiyoning mashhur futbolchilari Sami Al Jaber va Park Ji Sun qatnashishadi.

Eslatib o'tamiz, O'zbekiston milliy terma jamoasi qura jarayonida Saudiya Arabistoni bilan birga 3-savatdan joy oladi va bu jamoa bilan to'qnash kelmaydi.

MATNLI TRANSLYACIYA

- Qura tashlash marosimi soat 13:30da boshlanadi. Qura mexanizmi haqida to'liq malumot quyidagi videoda berilgan.

- Marosim boshlandi. 12ta davlat bayroqlari sahnaga olib chiqildi.

- Katta ekranda har bir terma jamoaning o'yinlaridan lavhalar berildi. Alifbo tartibi bo'yicha O'zbekiston eng oxirida namoyish etildi.

- Saud Al Muhannadi nutq so'zlamoqda. Endi Osiyo terma jamoalarining Jahon chempionatlari saralashlaridagi ishtiroklari haqida videorolik namoyish etilmoqda. Rolikda qitamiz jamoalarining JCH final bosqichlaridagi eng muvaffaqiyatli ishtiroklari ham o'rin olgan ekan. Umid qilamiz keyingi qura marosimida O'zbekiston terma jamoasining ham o'yinlari o'rin oladi).

- Yuqorida qura mexanizmi barchaga yana bir bor eslatib o'tilmoqda. Dastlab 6-savatcha keyin 5, 4, 3, 2 va 1-savatcha guruhlarga ajratiladi. Savatchalardan olingan birinchi jamoa "A" guruhiga, ikkinchi jamoa esa "B" guruhiga tushadi.

- Qura jarayonini OFK bosh kotibi Dato Uindzor Jon olib boradi. Har bir davlat yozilgan qog'ozlar maxsus sharlarga joylashtirilib chiqilmoqda.

- O'FF matbuot xizmati Kuala Lumpurda O'zbekiston nomidan qatnashayotganlarning rasmini taqdim etdi. Bosh murabbiy Samvel Babayan, terma jamoa menejeri Ramil Ilyasov va OFK musobaqalar qo'mitasi azosi Alim Arifov.