JCH saralashidagi raqib – Janubiy Koreya Iroqqa gol ura olmadi
08 iyu 2017 00:19
Yangiliklar

JCH saralashidagi raqib – Janubiy Koreya Iroqqa gol ura olmadi

O'zbekiston milliy terma jamoasining JCH–2018 turniriga saralash bosqichi “A” guruhidagi raqibi – Janubiy Koreya terma jamoasi bugun, 7 iyun kuni Iroqqa qarshi o'rtoqlik o'yinida maydonga tushdi.

BAAda bo'lib o'tgan o'yinda hisob ochilmadi - 0:0. Avvalroq saralash bosqichi “A” guruhi ishtirokchilaridan Xitoy Filippinni 8:1 hisobida mag'lub etgandi, Suriya terma jamoasi Yaponiya bilan (1:1), Qatar futbolchilari KXDR bilan (2:2) durang o'ynagani, Eron termasi esa CHernogoriyani 2:1 hisobida mag'lubiyatga uchratgani haqida xabar berilgandi.

O'z navbatida O'zbekiston terma jamoasi Toshkentda Tailand futbolchilari bilan o'rtoqlik o'yini o'tkazib, 2:0 hisobida g'alaba qozondi. Yuqoridagi barcha o'yinlar JCH–2018 “A” guruhi 8-turiga tayyorgarlik vazifasini o'tadi.

Malumot uchun, O'zbekiston terma jamoasi saralash bosqichi 10-turida Toshkentda Janubiy Koreyani qabul qiladi. Mazkur o'yin 5 sentyabr kuni kuniga belgilangan.

Eslatib o'tamiz, JCH–2018 saralash bosqichi “A” guruhi 7-turidan keyin Eron 17 ochko bilan peshqadamlik qilayotgan bo'lsa, 13 ochko jamg'argan Janubiy Koreya ikkinchi pog'onada bormoqda. O'zbekiston terma jamoasi 12 ochko bilan uchinchi o'rinni band qilgan. 4–6 o'rinlarni mos ravishda Suriya (8 ochko), Xitoy (5 ochko) va Qatar (4 ochko) termalari egallagan.

Havola :

Manba : championat.asia

Yangiliklarni Telegramda o'qing!

Reyting: +4