JCH-2018dagi Germaniya-SHveciya "seriali" haqida

Germaniya esa sharmandali natija qayd etib, guruhda oxirni o'rinni egalladi. Biz esa Germaniya qayd etgan natija xususida emas, balki SHveciya va Germaniyaning maydondan tashqaridagi o'zaro kurashiga etibor qaratishni lozim topdik.

1-qism. JCH-2018ning "F" guruhida 2-tur doirasidagi Germaniya - SHveciya uchrashuvidan oldin shveciyalik jurnalist germaniyalik hamkasblariga "Biz yutamiz, sizlar mundialni erta tark etasizlar. Mana Germaniyaga chipta", deb qog'ozda chiqarilgan qalbaki chiptani ularga tutib kulgu qiladi.

Ertasi kuni esa Germaniya oxirgi soniyalarda SHveciyadan g'alabani tortib oladi.

2-qism. Germaniya terma jamoasining murabbiylar shtabidagi ikki nafar mutaxassis Georg Belau va Ulrix Foygt esa Kroosning golidan so'ng SHveciya o'tirgan zaxira o'rindig'i tomon tashlanadi va ularni oldida o'z ehtiroslari bilan golni nishonlashadi.

3-qism. SHveciya murabbiyi esa matbuot anjumanida Germaniya zaxira o'rindig'idagi reakciyadan xafa bo'lganini va uzr so'rashlari lozimligini aytadi.

Ertasi kuni GFI (Germaniya futbol ittifoqi) SHveciyadan rasman uzr so'raydi.

4-qism. SHveciyalik muxlislar Meksika bilan o'yindan so'ng stadionda " Auf Wiedersehen" (xayr) - deya baralla kuylashadi.

5-qism. Germaniya esa Janubiy Koreyadan uchralgan mag'lubiyatdan so'ng: "Meksika va SHveciyaga omad tilaymiz. Ular haqli ravishda guruhdan chiqishdi", deya raqiblariga omad tilashdi.

Nemis mashinasi JCH-2018 qanchalik xunuk tugatgan bo'lmasin, ammo Germaniya vakillari ushbu maydondan tashqaridagi "serial"ga aylangan o'ziga xos aytishuvni chiroyli va mardlarcha yakunlashgani tahsinga sazovor.