Javohir Sidiqov: “Derbi”da bizning asosiy ustunligimiz - muxlislarimiz"
20 okt 2017 08:15
Yangiliklar
![](https://championat.asia/upload/storage/284171_original.jpg)
![](/upload/storage/284171_220.jpg)
Javohir Sidiqov: “Derbi”da bizning asosiy ustunligimiz - muxlislarimiz"
- So'nggi paytlarda biroz jarohatlar iskanjasiga tushib qoldim. SHu tufayli o'yinlarda bor kuchim bilan o'ynay olmadim. Xudoga shukr endi barchasi ortda qoldi va navbatdagi o'yinga tayyorman. Futbolda g'alaba va mag'lubiyat yonma-yon yuradi. “Paxtakor”ga qarshi o'yinda yaratilgan vaziyatlardan foydalana olmaganimiz bizga pand berdi. Biz o'sha bahsni unutdik va “Navbahor”ga qarshi jiddiy tayyorlanmoqdamiz.
“Vodiy derbi”lari respublikamizdagi eng shiddatli derbilar hisoblanadi. Bu uchrashuv natijasi biz uchun katta ahamiyatga ega ekanligini barchamiz juda yaxshi his qilib turibmiz. Biz maydonga faqat g'alaba uchun chiqamiz, boshqa har qanday natija bizni qoniqtirmaydi.
“Derbi”da bizning asosiy ustunligimiz muxlislarimizning yonimizda ekanliklari, deb o'ylayman. Jamoamiz o'tgan mavsumda biroz qiyin vaziyatga tushib qolganida ham muxlislarimizning daldalari tufayli vaziyatdan chiqib ketgan edik. Ertaga ham bizni jonkuyar muxlislarimiz astoydil qo'llab turishadi, deb ishonaman. O'zimdan kelib chiqib aytsam, muxlislarning qo'llab-quvvatlashlari har qanday futbolchiga ilhom bag'ishlaydi.
Barcha muxlislarimizni “Markaziy” stadioniga taklif qilaman. Kelinglar, sizlar bilan birga “derbi”da albatta g'alaba qozonamiz!, - deydi Sidiqov.
O’xshash yangiliklar
![AMP Logo](https://championat.asia/image/logo-amp.png)
Fikrlar