Javohir Komilov: “Bizda asosiy etibor jamoaviy o'yinga qaratilgan”
09 iyu 2016 03:46
Yangiliklar
![](https://championat.asia/upload/storage/210821_original.jpg)
![](/upload/storage/210821_220.jpg)
Javohir Komilov: “Bizda asosiy etibor jamoaviy o'yinga qaratilgan”
- Jamoamizning bugungi g'alabasidan juda xursand bo'ldim, mana ketma-ket to'rtinchi g'alabani qo'lga kiritdik. Yigitlar murabbiyimiz Nurali aka tomonidan berilgan ko'rsatmalarni bajarishga harakat qilishayapti. Bizda asosiy etibor jamoaviy o'yinga qaratilgan. Mana ko'rib turibsiz deyarli barcha o'yinchilarimiz o'zimizning futbol maktabini tarbiyalanuvchilari hisoblanishadi. To'g'ri, bazan tajribamiz kamlik qilib, xatolar ham qilib turamiz. O'ylaymanki, bu kamchiliklarimiz vaqtinchalik, bora-bora bu kamchiliklarga barham beramiz.
Bugungi uchrashuvda o'zim ayb qilib, darvozamizga penalti belgilanishiga sababchi bo'ldim, ammo bu jarimani qaytarib jamoamni goldan asrab qolganimdan va aybimni yuvganimdan mamnunman. Albatta bunday holatlarni takrorlanmasligiga etibor qarataman. Umuman jamoadoshlarimni maydonda katta ishtiyoq bilan to'p tepishi shaxsan meni g'ururlantiradi. Mana hujumchimiz Asliddin Abdiev jamoamizda golurar bo'lib turibdi, uning hisobida 6ta gol bor. Bugungi uchrashuvda gol kiritmagan bo'lsada, golga asisentlik qildi. Undan hammamizning umidimiz katta. Biz bundan keyingi o'yinlarda ham g'alaba qozonishga harakat qilamiz, - deydi Komilov.
O’xshash yangiliklar
![AMP Logo](https://championat.asia/image/logo-amp.png)
Fikrlar