Javlon “Bunyodkor”da, SHohnazar “Akjayik”da

Jumladan, 23 yoshgacha bo'lgan yigitlar o'rtasidagi Osiyo chempionatida ishtirok etgan Javlon Mirabdullaev guruh o'yinlari tugagach BAAga “Bunyodkor”ning o'quv-mashg'ulot yig'iniga borib qo'shildi. Aslida Mirabdullaev “Bunyodkor” bilan qita chempionatiga qadar kelishuvga erishgandi. Faqatgina bu bitimni Olimpiya o'yinlari saralash bahslaridan keyin ishqibozlar etiboriga etkazishga kelishib olishganliklari bois yangilik endi matbuot yuzini ko'rdi. “Bunyodkor” tarkibiga faoliyat yuritayotgan eks-metallurgchi SHahzodbek Nurmatov esa kecha “Anji”ga qarshi o'yinda maydonga tushdi va maxachqalaliklar darvozasiga kiritilgan ikkinchi gol muallifi bo'ldi. bu o'yinda “Bunyodkor” 3:2 hisobida g'alaba qozondi.

“Metallurg”ning yosh va iqtidorli hujumchilaridan biri SHohnazar Norbekov esa Qozog'istonning “Akjayik” jamoasi tarkibida ko'rinish berdi. Mazkur klub ayni paytda Turkiyaning Belek shahrida yig'in o'tkazmoqda. Kecha “Akjayik” Ozarbayjonning “Sumgait” jamoasiga qarshi nazorat uchrashuvini o'tkazdi va Norbekov 45 daqiqa maydonda to'p surdi. 2015 yilgi mavsum yarim himoya chizig'ida faoliyat olib borgan Alisher Ziyovuddinovning esa “SHo'rtan” klubi yig'inlarida qatnashayotganligi haqida malumotlar bor. Bekobodlik muxlislar va klub rahbariyati “Metallurg” jamoasining muvaffaqiyatida munosib ulush qo'shgan bu futbolchilarning barchasiga minnatdorchilik bildirada va ularning kelgusi faoliyatlariga omad tilaydi.