Jasurbek Jaloliddinov: "Milliy terma jamoa libosini kiyish – har bir futbolchi uchun sharaf"
14 fev 2020 15:26
Yangiliklar
![](https://championat.asia/upload/storage/545130_original.jpg)
![](/upload/storage/545130_220.jpg)
Jasurbek Jaloliddinov: "Milliy terma jamoa libosini kiyish – har bir futbolchi uchun sharaf"
Navbatdagi uchrashuvda Vadim Abramov shogirdlari 31 mart kuni Yaman mehmoni bo'lishadi. Ushbu o'yinga jiddiy hozirlik olib borish maqsadida terma jamoamiz 18-24 fevral kunlari BAAda yig'in tashkil etadi. Mazkur yig'in doirasida 23 fevral kuni Belarus terma jamoasi bilan o'rtoqlik uchrashuvida maydonga tushiladi.
Ushbu yig'inda “Bunyodkor” jamoasining 17 yoshli iqtidorli yarim himoyachisi Jasurbek Jaloliddinov ham ishtirok etadi. Yosh istedod egasi milliy jamoadan chaqiruv olganidan mamnun ekanini aytib o'tdi:
– Milliy terma jamoa libosini kiyish, mamlakat bosh jamoasi safida to'p surish – har bir futbolchi uchun sharaf sanaladi. Men ham yoshlikdan O'zbekiston milliy terma jamoasi azosi bo'lishni orzu qilganman. Bu orzum amalga oshayotganidan behad mamnunman.
“Bunyodkor” jamoasi tarkibida Rustam Ashurmatov, Eldor SHomurodov kabi o'yinchilarning yosh bo'lsa-da milliy terma jamoada o'ynashlarini kuzatib, ularga hamisha havas qilganman. Mening ham milliy jamoadan chaqiruv olishimda jamoadoshlarimning va murabbiylarning xissasi katta.
Endi bildirilayotgan ishonchni oqlash uchun bor mahoratni ishga solish, mashg'ulotlarda ham, o'yin davomida ham maydonda qattiq ter to'kish lozim bo'ladi, – dedi yosh futbolchi.
O’xshash yangiliklar
![AMP Logo](https://championat.asia/image/logo-amp.png)
Fikrlar