Jasur Yaxshiboev: "Eron bilan o'yinda muxlislarning kiritilishi bizga qo'shimcha dalda bo'ladi"

"Terma jamoa har bir futbolchining yoshligidan orzu qilgan niyati hisoblanadi. Har kim ham milliy terma jamoadan taklif olmaydi. Uning ortida 30 million xalq turadi. Milliy terma jamoa bu sizning g'ururingiz va yuzingiz bo'ladi. Har tomonlama munosib bo'lish kerak.

Aleksandr Geynrixda hech kim kutmaydigan harakatlar ko'p bo'lardi. Uning o'yinlar menga yoqardi.

Belorus chempionatida o'zbekistonlik futbolchilar ko'payib bormoqda. Ular o'zlarini ko'rsatsa bu boshqa futbolchilarda ham imkoniyat ko'payishiga sabab bo'ladi. "SHaxtyor Soligorsk"da murabbiy ketayotganda umuman har bir proffessional murabbiy jamoadan ketayotgan hamma bilan xayrlashadi, omad tilaydi. Bu murabbiy ham shunday dedi, o'zimni ehtiyot qilishimni takidladi.

Eron terma jamoasi kuchli. To'g'ri, hozirda pandemiya sabab ularda chempionat to'xtatildi. Ko'p o'yinlar qoldirilgani sabab raqibning jismoniy tayyorgarligi past deb o'ylayman. Lekin, baribir kuchli terma jamoa bo'lib qoladi. Bu o'yinga o'zimizni yuz foiz tayyorlashimiz kerak. Futbol muxlislar bilan, ularsiz futbol o'z jozibasini yo'qotadi. O'rtoqlik uchrashuvimi yoki rasmiy o'yinmi muxlislarsiz qiziq tuyulmaydi. Eron bilan o'yinda muxlislarning kiritilishi bizga qo'shimcha dalda bo'ladi",- deydi Jasur Yaxshiboev O'FA matbuot xizmatiga.