Jasur Abduraimov bugun Farg'onada nomzodlarni kuzatadi

Gap shundaki bosh murabbiy Jasur Abduraimov va uning yordamchilari vodiydagi 1997 yilda tug'ilgan futbolchilarni kuzatadi.

Andijon, Namangan va Qo'qondan 1997 yilda tavallud topgan futbolchilardan iborat jamoalar bugun Farg'onaga tashrif buyuradi. Unda mezbonlar ham ishtirok etishi ko'zda tutilgan. O'zaro o'yin tashkil etilgan xolda, murabbiylar nomzodlarni ko'zdan kechiradi va o'zlariga maqul kelganlarni keyinchalik yig'inga taklif etadi.  Uchrashuvlar Farg'ona shahridagi bolalar va o'smirlar futbol maktabidagi maydonda o'tkazilishi ko'zda tutilgan.

Darvoqe, bundan bir necha kun oldin Ahmadjon Musaev va SHuhrat Maqsudov ham Farg'onaga tashrif buyurib, 2002 yilda tug'ilgan futbolchilar o'rtasidagi bahslarni kuzatgan xolda, nomzodlarni saralab olgan.