Janubiy Koreya murabbiyi: "Avstraliyada uch nafar yangi futbolchini sinab ko'ramiz"
14 noy 2018 10:46
Yangiliklar
![](https://championat.asia/upload/storage/462471_original.jpg)
![](/upload/storage/462471_220.jpg)
Janubiy Koreya murabbiyi: "Avstraliyada uch nafar yangi futbolchini sinab ko'ramiz"
Vakillarimiz Brisben shahrida dastlab Livan, undan keyin 20 noyabr kuni Janubiy Koreya terma jamoasiga qarshi maydonga tushishadi. Har ikkala o'yin Osiyo Kubogi-2019 musobaqasi oldidan muhim tayyorgarlik vazifasini o'taydi.
Ikkinchi raqibimiz Janubiy Koreya shu haftaning shanba kuni Avstraliya termasi bilan kuch sinashadi. Brisbenga keladigan koreyaliklar tarkibida yo'qotish bor. Xususan "Tottenxem" hujumchisi Son Xyong Min va "Nyukasl" yarim himoyachisi Ki Sung Yong mazkur yig'inga chaqirilmagan. Bundan tashqari, "Gamburg" hujumchisi Xvang Xi CHan jarohati sabab Avstraliyaga bora olmaydigan bo'ldi.
Janubiy Koreya terma jamoasi Avstraliya sari yo'lga chiqish oldidan bosh murabbiy Paulo Bentu intervyu berdi. Portugaliyalik murabbiy shunday dedi: "Osiyo Kubogiga kam vaqt qolayotgan bir paytda biz uchun har bir yig'in muhim ahamiyatga ega. Men Avstraliyadagi ikkita o'rtoqlik o'yinida uch nafar yangi futbolchini sinab ko'rmoqchiman. Bular - Na Sang Xo, Li YU Xyon va Kim Jung Min. SHuningdek, tarkibimizda Li CHung Yong, Ku Ja CHol kabi faxriylar ham bo'ladi".
Qizig'i shundaki, Paulo Bentu ham xuddi Ektor Kuper kabi terma jamoani avgustda rasman qabul qilib oldi va uning ostida koreyaliklar bizga o'xshab to'rtta o'rtoqlik uchrashuvi o'tkazishdi. Bu o'yinlarda ikkita g'alaba va ikkita durang qayd etildi. Bentuning aytishicha, jamoa o'yinida o'sish bor. "Men hammasi yaxshi ketayotganidan xursandman. Osiyo Kubogiga kelib yanada kuchli bo'lishimizga ishonaman. Avvalgi to'rtta o'yinni uyda o'ynadik. Endi safarda ham o'zimizni sinab ko'rmoqchimiz. SHu bois Avstraliya yig'inini tanladik", - deydi portugaliyalik mutaxassis.
O’xshash yangiliklar
![AMP Logo](https://championat.asia/image/logo-amp.png)
Fikrlar