Jamshid Saidov: "Klubga kelib, birinchi navbatda jamoani birlashtirdim"
30 iyu 2023 22:58
Yangiliklar

Jamshid Saidov: "Klubga kelib, birinchi navbatda jamoani birlashtirdim"

Teglar : "Qizilqum""Bunyodkor"Coca Cola Superliga

Bugun Coca Cola Superligasining qoldirilgan 8-turidan o'rin olgan "Qizilqum" – "Bunyodkor" uchrashuvidan so'ng mezbonlar bosh murabbiyi Jamshid Saidov matbuot anjumanida qatnashdi.

O'yin haqida

- Birinchi navbatda yigitlarga rahmat demoqchiman. Ular berilgan topshiriq va vazifani alo darajada bajarishdi. G'alaba qozonganimizdan mamnunman. 7 iyulda Dukentda ikki haftalik yig'in boshlaymiz. Jamoani yaxshi tayyorlashga harakat qilamiz. Yangi o'yinchilar qo'shilishadi. Ikkinchi davrada esa oxirigacha harakat qilamiz.

- "Qizilqum" jamoasiga kelishingiz bilan jamoa taktikasida birinchi qanday o'zgarishni amalga oshirdingiz?

- Birinchi navbatda, men jamoani birlashtirdim. Jamoa sifatida birlashdik. Taktika masalasida ham o'zgarishlar qildik. Raqiblarni o'rgandik, harakat qildik. Yigitlar berilgan ko'rsatmalarni zo'r bajarmoqda.

- Ikkinchi davrada qanday o'zgarishlar bo'ladi?

- Tarkibda yangilanishlar bo'ladi. Buni aytib o'tdim. Tarkibda ham, o'yin uslubida ham o'zgarishlar bo'ladi. Ikkinchi davra qiziqroq bo'ladi. Katta rahmat.

Havola :

Manba : championat.asia

Yangiliklarni Telegramda o'qing!

Reyting: