Jamshid Saidov: "Aziz Ibragimovni nega maydondan chetlatishdi? Ochig'i umuman tushunmadim..."

"Avvalo futbolchilarga o'z minnatdorchiligimni bildiraman. Hozir bizga har bir ochko suv va havodek zarur. Jamoamiz yaxshi o'ynadi. Bolalar oxirigacha kurash olib borishdi va bir ochkoni qo'lga kiritdik. Har ikkala jamoa ham yaxshi o'ynadi deya olaman. Biz "Nasaf"ni qanday o'ynashini bilardik. Mamlakatning eng kuchli jamoalaridan biri bo'lgan "Nasaf"ga qarshi o'yinda albatta himoyadan o'ynaydi ko'plab jamoalar. Men bugun nega Aziz Ibragimovga ikkinchi sariq kartochkani ko'rsatib maydondan chetlatishganini umuman tushunmadim. O'ylaymanki, uchrashuv nazoratchilari bu vaziyatni to'g'ri baholay olishadi. Bu ularning ishi. Men bu borada biror narsa deya olmayman. O'yin asabiy kechdi. "Nasaf"da ham, bizda ham gol urish uchun imkoniyatlar bo'lgandi. Biroq har ikkala jamoalar o'z imkoniyatlaridan unumli foydalana olmadi. "Nasaf" juda kuchli jamoa. SHu bois bugun qarshi hujum taktikasida o'ynadik", - deydi Jamshid Saidov.