Jahongir Mehmonov: “Neftchi”ga hurmatim cheksiz”

Kuni kecha “lochinlar” birinchi liga vakili “Yozyovon-Lochinlari” jamoasiga qarshi nazorat uchrashuvini o'tkazishdi. Ushbu bahsda oliy liga vakillari 3:0 hisobida zafar quchishdi. Ushbu o'yindan so'ng “Navbahor” futbolchisi Jahongir Mehmonov intervyu berdi.

-  Kecha birinchi liga vakili “Yozyovon-Lochinlari” jamoasiga qarshi nazorat uchrashuvini o'tkazdinglar. Ushbu uchrashuv haqida fikrlaringizni bildirsangiz.

-  Ushbu uchrashuvda raqiblarimizni 3:0 hisobida mag'lub etdik. Jamoadoshlarim yaxshi o'yin ko'rsatishdi. Ikki mahal mashg'ulot o'tkazganimiz va havo xarorati biroz issiq bo'lgani uchun ko'ngildagidek o'ynay olmadik. Bundan ham yaxshiroq o'yin ko'rsatishimiz mumkin edi.

-  Ikkinchi davraga tayyorgarlik qay darajada olib borilmoqda?

-  Kuniga ikki mahaldan mashg'ulot olib boryapmiz. Ertalab jismoniy holatimizga etibor qaratilayotgan bo'lsa, kechgi payt to'plar bilan ishlayapmiz. Mashg'ulotlar jarayonida ko'proq hujumga etibor qaratilyapti.

-  Bilamizki avval siz Farg'onaning “Neftchi” jamoasida to'p tepgansiz. Ushbu jamoaga qaytishni istamaysizmi?

-  Ayni damda Namanganning “Navbahor” jamoasi sharafini himoya qilyapman. Boshqa klub haqida o'ylayotganim yo'q. “Navbahor” bilan yaxshi o'rinlarni egallashga harakat qilyapman. Bu borada rahbariyat bizga etarlicha sharoitlar yaratib bergan. Fikru xayolim “Navbahor” bilan, boshqa jamoa haqida o'ylashga haqqim yo'q. “Neftchi” klubiga befarq emasman. Ushbu jamoaning barcha o'yinlarini imkon qadar kuzatib boraman. “Neftchi”ga hurmatim cheksiz. Lekin futbolchi qaysi jamoada bo'lsa o'sha klub haqida o'ylashi kerak, deb o'ylayman.

-  Boshqa jamoalardan takliflar bo'ldimi?

-  Albatta, takliflar bo'ldi. faqat qaysi jamoalardan ekanligi sir bo'la qolsin.

Jahongir Sotvoldiev suhbatlashdi