Jahon chempionlari endi “Lokomotiv” libosida harakat qilishadi

Buni ushbu terma jamoa qayd etayotgan natijalar ham ko'rsatib turibdi.

Mazkur terma jamoa yaqindagina 18 yoshgacha bo'lgan zaif eshituvchilar o'rtasidagi jahon chempionatida g'olib chiqqandi. Qolaversa, ushbu jamoamiz Osiyo chempionatida ham 3-o'rinni band etishga muvaffaq bo'lgandi. Endilikda zaif eshituvchilar terma jamoamiz Janubiy Koreyada o'tadigan qita birinchiligiga hozirlik ko'rmoqda.

Turli xil ijtimoiy loyihalar amalga oshirishda ancha faol bo'lgan “Lokomotiv” professional futbol klubi zaif eshituvchilar jamoasi bilan yaqin aloqalar yo'lga qo'ydi. Ayni paytda ushbu jamoa “Lokomotiv” PFK nomidan Toshkent shahar havaskorlar futbol ligasida ishtirok etmoqda. “Lokomotiv” jamoaning barcha azolarini to'liq ekipirovka hamda sport anjomlari bilan taminladi. Qolaversa, jamoaning mashg'ulotlar o'tkazishi va o'yinlarga puxta tayyorgarlik olib borishi uchun sport zali ham ajratdi.

 

Kuni kecha “Lokomotiv” stadionida zaif eshituvchilar jamoasi azolari bilan uchrashuv o'tkazildi. Unda klub rahbariyati hamda zaif eshituvchilar jamoasining ekipirovka bilan taminlanishida o'z yordamini ayamagan Elmakon kompaniyasi vakillari ishtirok etdi. Uchrashuv davomida “Lokomotiv” PFK bosh direktori o'rinbosari To'labek Akramov so'zga chiqib, zaif eshituvchilar jamoasi bilan yaqin aloqalar hali uzoq davom etishini bildirdi:

– O'zbekistonlik zaif eshituvchilar jamoasi butun jahonda o'z obro'siga ega. Ushbu jamoa hamisha o'zi qatnashadigan musobaqalarda yuqori o'rinlarni band etadi. Biz bunday ajoyib jamoaning klubimiz nomidan shahar havaskorlar ligasida ishtirok etayotganidan mamnunmiz. Ushbu jamoaga qanday yordam zarur bo'lsa, uni ko'rsatishga doim tayyormiz, – dedi To'labek Akramov.

Takidlab o'tamiz, 4-marta o'tkazladigan Osiyo-Tinch okeani mintaqasi chempionatida O'zbekiston zaif eshituvchilar jamoasi ham ishtirok etadi. Musobaqa ertadan start oladi va 6 maygacha davom etadi.