So’nggi yangiliklar

02:40А Серия. "Рома" "Женоа"ни мағлуб қилди, Шомуродов захирадан майдонга тушди  7 02:25Бундеслига. "Боруссия" кетма-кет учинчи мағлубиятини қабул қилиб олди  1 01:58Расман: Хвича - ПСЖ футболчиси!  1 01:30"Манчестер Юнайтед" тарихидаги энг яхши тўпурарлардан бири вафот этди  0 00:52"Манчестер Юнайтед" ва ПСЖнинг собиқ футболчиси "Бока Хуниорс"га ўтди  0 00:26Абдуқодир Ҳусанов тиббий кўрикдан ўтди  13 00:15Саудия Арабистони. "Ал Насср" яна очко йўқотди  0 23:59Аёллар ОК-2025 саралаши. Ўзбекистон Австралияга мағлуб бўлган учрашувдан ГАЛЕРЕЯ  0 23:00Янгиланаётган "Пахтакор" ёхуд Педру Морейра йиғаётган португал забон "банда"  5 22:47"Милан"га "Челси" футболчиси керак  0 22:11Ўзбекистон U20 Сурия билан дуранг ўйнади  1 21:56Неймар "Барселона"дан кетиши сабабини айтди  5 21:36Қозоғистонлик футболчи "Челси"га ўтади!  28 20:47"Андижон" Бубанья ва Маматказин билан хайрлашди  17 20:15Гарначо Лондон жамоасига ўтиши мумкин  5

Marokashning tarix yaratishida onalar muhim rol o'ynamoqda Yangiliklar

Marokashning tarix yaratishida onalar muhim rol o'ynamoqda

Yarim finalga chiqqan ilk Afrika jamoasiga aylangan Marokash onalar yordami tufayli qisman muvaffaqiyatga erishdi.

"SHerlar" nafaqat jahon chempionatining yarim finaliga yo'l olgan dastlabki Afrika jamoasiga aylandi, balki o'z muvaffaqiyatlarini ularning eng ko'p qo'llab-quvvatlayotgan insonlari bilan baham ko'rish baxtiga muyassar bo'lishdi.

Nimchorak finaldagi Ispaniyaga qarshi penaltilar seriyasida o'zining hal qiluvchi zarbasidan so'ng Ashraf Hakimi xursandchiligini odamlar orasida turgan onasi bilan nishonlash uchun bordi va kamerachilar etiborini tortdi hamda onasining yuzidan mag'rurona o'pgan holda suratlarga muhrlandi. Himoyachi Marokashning chorak finaldagi Portugaliyaga qarshi o'yindagi g'alabasidan keyin ham xuddi shu ishni takrorladi va onasini bag'riga bosish uchun tribuna tomon yaqinlashdi. Ispaniyaga qarshi o'yindan so'ng Hakimi ijtimoiy tarmoqdagi sahifasiga onasi bilan birga tushgan suratini joylashtirib, shunday izoh qoldirdi: "Men sizni yaxshi ko'raman, onajon".

Turnir davomida volidasining ko'magidan bahramand bo'lgan futbolchi faqatgina Hakimi emas. Portugaliyaga qarshi o'yindan so'ng futbolchilarning ota-onalari bilan g'alabani qarshi olayotgani aks etgan bir qancha lavhalar internetda tarqaldi, shu jumladan, Sofian Boufal Marokash muxlislarining olqishlari ostida onasi bilan raqsga tushganining guvohiga aylandik. 


Jamoat bosh murabbiy Valid Regragining ham Marokashning yarim finalgacha bo'lgan misli ko'rilmagan g'alabalarini onasi bilan nishonlash uchun tribunaga ko'tarilganini guvohi bo'lgan. Regragi shogirdlari bilan Ispaniya ustidan g'alaba qozonishning uddasidan chiqqach, "Al Jazira" telekanali tahlilchisi Usher Komugisha Tvitterdagi sahifasida shunday post qoldirdi: “Valid Regragining onasi Fotima 50 yildan ortiq vaqtdan beri Parijda istiqomat qiladi, biroq o'g'lini futbolchi yoki murabbiy sifatida ishtirok etgan o'yinlarini tomosha qilish uchun biror marta sayohatga chiqmagan. SHu bois murabbiyning volidasi Qatardagi jahon chempionatiga tashrif buyurish uchun qatiy turib oldi. Natijada nima bo'ldi? Onaizor Marokashni chorak finalga yo'l olib, tarixiy natija qayd etishida ruhlantirdi”.

"Al Jazira" nashrining xabariga ko'ra, Regragi va Marokash Qirollik futbol federaciyasi prezidenti Fuzi Lekja futbolchilarning oila azolarini Qatarga sayohat qilishini taminlagan. Ota-onalar Marokash uchun ajratilgan baza — "Wyndham Doha West Bay" mehmonxonasiga joylashgan.

Turnirga o'yinchilarning ota-onalarini jalb qilish rejasi ularning shijoatini ko'tarib turish maqsadida Regragi tomonidan atayin ishlab chiqildi. Avgust oyida ishga kirishgan murabbiy bu haqda shunday dedi: "Bizning muvaffaqiyatga erishishimiz ota-onalarimizning baxtiyorligisiz sodir bo'lmaydi".

Marokashning natijasidan xulosa chiqaradigan bo'lsak, bu reja ishlayotganga o'xshamoqda. Ularning Ispaniya va Portugaliyaga qarshi g'alabalari turnir davomidagi eng katta sensatciyalardan hisoblanadi. Endilikda final yo'llanmasi uchun Franciyaga qarshi muhim bahs ham raqib jamoaning xavotiriga sabab bo'lmoqda.

Jamoaning o'ng qanot himoyachisi bo'lgan taniqli o'yinchilaridan biri bo'lgan Hakimi avvalroq ota-onasi uning uchun qanchalik qadrli ekani haqida gapirgandi. "Biz faqatgina kun ko'rish uchun kurashgan kamtarona sharoitdagi oilamiz", dedi Hakimi 2018 yil "Real Madrid"dan ijara asosida Dortmundning "Borussiya"siga ko'chib o'tganida bergan intervyusida. "Bugun men ular uchun har kuni kurashaman. Ular men uchun o'zlarini qurbon qildilar”.


Oqil Abdubarnoev tarjimasi

Reyting: +25   

Fikrlar

championat.asia
< so’nggi yangiliklarni ko’rish
Яндекс.Метрика