Jahon chempionati medallarini qo'lga kiritish bo'yicha Germaniya etakchi, Franciya va Argentinada tenglik

Jahon chempionatida g'alaba qozongan sakkiz jamoa orasida Italiyadan tashqari barchasi Qatardagi musobaqaga yo'llanmani qo'lga kiritdi. Guruh bosqichidan so'ng Urugvay va Germaniya, 1/8dan keyin - Ispaniya, 1/4dan keyin - Braziliya va Angliya mundial bilan xayrlashdi.

Xo'sh, barcha jahon chempionatlaridagi umumiy medallar jadvali qanday ko'rinishga ega? Keling, buni ko'rib chiqamiz. 

Medallar reytingini tuzishda Olimpiada qoidalariga amal qildik, yani oltin medallarni qo'lga kiritish umumiy medallar miqdoridan ustun qilib olindi.

1. Braziliya - 5 oltin, 2 kumush, 2 bronza, jami 9 ta.

2. Germaniya - 4 oltin, 4 kumush, 4 bronza, jami 12 ta.

3. Italiya - 4 oltin, 2 kumush, 1 bronza, jami 7 ta.

4. Argentina - 2 oltin, 3 kumush, jami 5 ta.

5. Franciya - 2 oltin, 2 kumush, 1 bronza, jami 5 ta.

6. Urugvay - 2 oltin, jami 2 ta

7. Angliya - 1 oltin, jami 1 ta

8. Ispaniya - 1 oltin, jami 1 ta

9. Niderlandiya - 3 kumush, 1 bronza, jami 4 ta

• Qatardagi turnir yakunlangach, kuchli uchlik o'zgarmaydi.

• Niderlandiyani chempionlar ro'yxatiga kiritish g'alati tuyulsa-da, uch marta finalda (1974, 1978, 2010) o'ynagan va uchalasida ham mag'lub bo'lgan jamoani alohida etirof etishni lozim ko'rdik.

• Ispaniya, Urugvay va Angliya finallarda 100% natija qayd etishgan.

• Urugvay birinchi (1930) va to'rtinchi (1950) jahon chempionatlarida g'olib chiqdi, keyin esa kubok qarshisiga yaqinlasha olmadi. Jamoa 2010 yilgi mundialning 3-o'rin uchun kechgan bahsida Germaniyaga mag'lub bo'lgandi (2:3).

• Germaniya so'nggi ikki jahon chempionatida guruh bosqichidan nariga o'ta olmayotgan bo'lsa ham, umumiy medallar soni bo'yicha etakchi bo'lib turibdi. 2002 yildan 2014 yilgacha ketma-ket to'rtta mundialda terma jamoa medallar sohibiga aylandi.

• Argentina va Franciya ikkitadan oltin medallarga ega chiqishgan, ammo yakshanba kuni ularning birida bu raqam uchtaga etadi.