Ivan Yosovich: "Aybni o'zimizdan qidirishimiz kerak"

Teng kurashlar ostida kechgan uchrashuvda "Qo'qon -1912"ga ochko keltirgan golga Ivan Yosovich mualliflik qildi. Penaltini aniq amalga oshirgan himoyachi uchrashuvdan so'ng fikrlari bilan o'rtoqlashdi. 

"Deyarli bir oydan keyin rasmiy uchrashuvda maydonga chiqdik. O'yin qiyin bo'lishi malum edi. CHunki mehmonda o'ynadik. Raqib -  "Bunyodkor". Ular o'z maydonida juda yaxshi o'yin ko'rsatadi. G'alabani nishonlashga yaqin edik. Oxirgi daqiqalarda omad etishmadi, boz ustiga diqqatni yo'qotdik. O'yin suratini olsak, durang adolatli natija. 

Maydon U-23 Osiyo kubogidan keyin hali to'liq tayyor emasligi ko'rinib turibdi. Ammo aybni o'zimizdan qidirishimiz kerak",- deydi Yosovich.