Ivan Nagaev O'zbekistonga qaytdi

Malum bo'lishicha, ayni paytda Ivan Nagaev "Qizilqum" safiga kelib qo'shilgan va mavsumning qolgan qismini aynan navoiyliklar tarkibida o'tkazadi.

"Qizilqum" shuningdek himoya chizig'ini ham kuchaytirishni maqsad qilgan. Ayni paytda jamoa "Lokomotiv"ning yana bir himoyachiga qiziqmoqda. Hamid Aktamov jamoa safiga markaziy himoyachi Bobur Yo'ldoshevni olib kelmoqchi. Hozirda muzokaralar davom etmoqda. "Lokomotiv"da zaxirada qolib ketgan Yo'ldoshevga endilikda asosiy tarkib uchun kurashda yana ikki raqobatchi qo'shilgan. Anzur Ismoilov va Nikolay Pogrebnyakning jamoaga kelishi Bobur Yo'ldoshevni jamoadan ketish qarorini qabul qilishiga asosiy sabab bo'lishi mumkin.

Eslatib o'tamiz, bunga qadar "Qizilqum" "Lokomotiv"ning qanot himoyachisi Salim Mustafoevni jalb qilgandi.

Superligada transfer oynasi 15 iyul kuni yopiladi.