Italiya terma jamoasining sobiq azosi futbolchilik faoliyatini tugatdi

"O'ynashni yakunladim. Oilam bilan Milanda istiqomat qilaveraman. Kelajakdagi rejalar borasida hozircha bir nima deya olmayman, bu haqda o'ylab ko'rish kerak. Siz meni faoliyatim "Milan"da yakunlanganini aytishingiz mumkin, ammo, jamoa hatto muxlislar bilan xayrlashuv o'yini o'tkazish uchun ham imkoniyat bermadi", — deydi Montolivo.

34 yoshli Montolivo o'tgan mavsum "Milan"ning birorta o'yinida ishtirok etmadi. Avvalroq, u "Fiorentina" va "Atalanta" klublarida ham o'ynagan. "Rossonerilar" bilan 2016 yili Italiya Superkubogini qo'lga kiritgan. U Italiya terma jamoasi safida 66 ta o'yin o'tkazgan va Evropa vice-chempioni bo'lishga erishgan.