Ispaniya futbol federaciyasi "Real" yoki "Barselona" tufayli 5 mln evrodan mahrum bo'lishi mumkin

Turnirni Saudiya Arabistonida tashkil etish tashkilotga har yili 40 million evro olib keladi. Biroq shartnomadagi bandda ikki gigant jamoadan biri Superkubokda ishtirok etmasa, federaciya foydasi 35 million evrogacha kamayishi aytilgan.

Joriy mavsumda “Real” ham, “Barselona” ham mamlakat kubogida kurashni to'xtatdi. Demak, jamoalarning Superkubokda ishtirok etishining yagona yo'li mavsumni La Ligada kuchli ikki o'rinda yakunlash hisoblanadi.

Eslatib o'tamiz, Ispaniya Superkubogi 4 ta jamoa ishtirokida o'tkazilmoqda. La Ligada dastlabki ikki o'rin va mamlakat kubogi finalchilari ushbu turnirga yo'llanma oladi.