Islombek Ismoilov: “Xotira-79”ga o'yin borasida yutqazmadik”

- Bungacha ikkita ketma-ket durang qayd etgandik. SHu bois Uychiga faqat g'alaba uchun borgandik. Ammo o'ylaganlarimiz amalga oshmadi. O'yin deyarli jamoamning ustunligi ostida o'tdi, deb o'ylayman. Ammo yakunda hisob bo'yicha mezbonlar g'olib chiqdi. Bu tarixda qoladi. Hakamlar haqida gapirmoqchi emasdim. CHunki ularning ishini nazorat qiladigan masul kishilar bor. Lekin o'yindan so'ng yigitlar yonimga kelib, futboldan ko'ngli sovub borayotganini kuyunib gapirib berdi. Bunday paytda nima qilishni ham bilmay qolasan ekan kishi. Agarda o'yin borasida yutqazganimizda futbolchilarni keyingi uchrashuvga ruhiy jihatdan tayyorlash mumkin edi. Biroq maydon tashqarisidagi “ishlar” ko'ngilni xira qilmoqda. SHogirdlarim futbol o'ynashga qo'rqib qolishdi. “Xotira-79”ga qarshi bahsda ikkinchi gol darvozamizga kiritilgan vaziyatni olaylik, yon chiziq hakami bayroqchasini ko'tarib, o'yindan tashqari holat ekanligini qayd etdi. Bosh hakam unga qarab qo'ydi. SHunda laynsmen ham bayroqni tushirib, maydon markazi tomon yuugurib, gol bo'lganini ishora qildi. Bu futbolchilarimga juda tasir qildi – deydi Islombek Murodovich.

Islombek Rustambekov