Islombek Ismoilov: “Futbolchilarning bugungi holati bilan har kuni tanishib boryapmiz”
22 mar 2020 19:44
Yangiliklar
![](https://championat.asia/upload/storage/553180_original.jpg)
![](/upload/storage/553180_220.jpg)
Islombek Ismoilov: “Futbolchilarning bugungi holati bilan har kuni tanishib boryapmiz”
Jamoa bosh murabbiy Islombek Ismoilov bilan bog'langanimizda futbolchilarga nomalum muddatga dam berganligini va shu bilan birga ularga maxsus dastur taqdim etib, kunlik mashg'ulotlarini har kuni bilib borayotganini takidladi.
- Malumki, bugungi kunda butun dunyoda koronavirus pandemiyasi tarqagani sababli ommaviy tadbirlar to'xtatildi. SHu bilan birga sport musobaqalari ham nomalum muddatga qoldirildi. Ochig'ini aytganda, bu yilgi mavsumga har yilgidanda yuqori ishtiyoq bilan tayyorgarlik ko'rib kelayotgandik. Ammo kutilmaganda, majburiy tatilga chiqishga majbur bo'ldik. Rejalarimiz butunlay o'zgarib ketdi. Nima ham derdik, inson uchun eng avvalo uning sog'ligi birinchi o'rinda turadi.
- Rahbariyatning topshirig'iga binoan, jamoa azolarini koronavirus epidemiyasidan saqlanishlari uchun, o'z uyiga ketishiga ruxsat berganmiz. SHu bois hozir hamma vaqtinchalik o'z uyida bo'lib turibdi. Futbolchilarning sport formasini yo'qotmasligi, jismoniy tayyorgarligi bir meyorda turishi uchun ularga o'z uyida individual tarzda shug'ullanib turishini aytib, maxsus dastur taqdim etganmiz. Internet tizimi orqali futbolchilarimizning har biri bilan kunning ikkinchi qismida o'tkazgan mashg'ulotlari bo'yicha video-xisobotlarni qabul qilib, tegishli maslahatlar berib boryapmiz.
- Majburiy tatil qachongacha davom etishidan qatiy nazar, klub oylik maoshlar bo'yicha shartnomada ko'rsatilgan bandlarni to'liq bajaradi. Garchi futbolchilar jamoa ixtiyorida bo'lmasa ham ularga ish haqi to'lab berilishi ko'zda tutilgan. Axir ularning ham oilasi bor-ku.
- O'z sevgan kasbingizdan bir zumda maxrum bo'lish albatta yoqimsiz xolatdir. Har doim jarayonda yurib, birdaniga chetga chiqib qolish, har qanday inson uchun og'irdir. Yuqorida aytib o'tganimdek, eng avvalo xalqimizning sog'ligi birinchi o'rinda turadi. Yaratgandan so'raymizki, tezroq ushbu koronavirus epidemiyasi yurtimizdan chiqib ketib, yana avvalgidek hammasi iziga tushib ketishini. Murabbiy sifatida o'sish uchun o'z ustimda ishlashni sira to'xtatmayman. Uyda bo'sh vaqtim bo'ldi deguncha, yangiliklar ustida izlanaman. Futbolchilarimning xolati bilan imkon qadar tanishib borishga xarakat qilaman.
O’xshash yangiliklar
![AMP Logo](https://championat.asia/image/logo-amp.png)
Fikrlar