Islom To'xtaxo'jaev: "Omad ham bugun bizga kulib boqdi"

"Bu uchrashuvga 6:2 hisobidagi mag'lubiyat uchun alamni olish uchun tushgandik. Xudoga shukur maqsadimizga erishdik. Bir tomondan olib qaraydigan bo'lsak, omad ham bizga kulib boqdi. Birinchi bo'limda ular ko'plab imkoniyatlaridan foydalana olishmagani ham bizga qo'l keldi. Mashg'ulotlarda Oleg Zoteev jarohat olib qo'ygani uchun bugun asosan chap qanotda o'ynadim. CHunki Salim Mustafoev sariq kartochkalari soni ikkitaga etgani uchun o'yinni qo'yib yuborardi. Keyingi uchrashuvni men ham o'tkazib yuboradigan bo'ldim. Odatda bu kabi kichik detallar uchun hakamlar futbolchilarga sariq kartochkalar berishmasdi. Lekin bugun negadir barchaga ogohlantirish ko'rsatilib tashlandi. So'nggi paytlarda hakamlar "Lokomotiv"ga har bitta vaziyatda sariq kartochka ko'rsatishmoqda. Bu bahsga faqat va faqat g'alaba uchun maydonga tushgandik. Biroq aynan yirik hisobda yutamiz deb rejalashtirmagandik. Ushbu g'alaba o'tgan uchrashuv uchun munosib javob bo'ldi deb o'ylayman", - deydi "Lokomotiv" himoyachisi Islom To'xtaxo'jaev.

SHahboz Beg'amov suhbatlashdi.